News December 16, 2025
విద్యార్థులకు ఉచితంగా ఆధార్ బయోమెట్రిక్: కలెక్టర్
5 నుంచి 17 ఏళ్లలోపు విద్యార్థులు తప్పనిసరిగా ఆధార్ బయోమెట్రిక్ అప్డేట్ చేసుకోవాలని అంబేడ్కర్ కోనసీమ కలెక్టర్ మహేశ్ కుమార్ సూచించారు. మంగళవారం ఆయన అమలాపురం కలెక్టరేట్లో మాట్లాడారు. కేంద్ర నిబంధనల మేరకు ఈ సేవలకు సంబంధించిన రుసుమును ఏడాది పాటు పూర్తిగా రద్దు చేసినట్లు వెల్లడించారు. విద్యాసంస్థలు ఈ విషయంపై శ్రద్ధ వహించి, విద్యార్థులందరితో అప్డేట్ చేయించాలని ఆదేశించారు.
Similar News
News December 17, 2025
పొలం గట్లపై బంతి మొక్కలను పెంచితే?
పొలం గట్లపై బంతి మొక్కలను పెంచడం వల్ల అనేక లాభాలున్నాయి. బంతి పువ్వులు బయట నుంచి వచ్చే హానికర పురుగులను ఆకర్షించి.. గట్టు పక్కన ఉన్న ప్రధాన పంటకు చీడల ముప్పును తగ్గిస్తాయి. బంతి పూలు తేనెటీగలు, ఇతర కీటకాలను ఆకర్షించడం వల్ల పరాగ సంపర్కం జరిగి పంట దిగుబడి కూడా పెరుగుతుంది. ఈ పువ్వులను మన సొంత అవసరాలకు వాడుకోవచ్చు, అలాగే ఎక్కువ పూలు వస్తే అమ్మి కొంత మొత్తం ఆదాయంగా పొందవచ్చు.
News December 17, 2025
ఎత్తుపడిన గొడ్డు పులికి జడుస్తుందా?
ముసలిదైపోయి, నీరసించి, ఇక చావుకు దగ్గరగా ఉన్న పశువు తన ముందుకు పులి వచ్చినా భయపడదు. ఎందుకంటే అది ఇప్పటికే చావు అంచుల్లో ఉంది, కాబట్టి కొత్తగా వచ్చే ప్రాణాపాయానికి అది ఆందోళన చెందదు. అలాగే జీవితంలో ఎన్నో దెబ్బలు తిని, కష్టాల చివరన ఉన్న వ్యక్తిని ఎవరైనా భయపెట్టాలని చూస్తే అతడు అస్సలు భయపడడు. “పోయేదేముంది?” అనే తెగింపు వచ్చినప్పుడు మనిషికి దేనికీ జంకడు అని చెప్పడానికి ఈ సామెతను ఉపయోగిస్తారు.
News December 17, 2025
T20 సిరీస్ పట్టేస్తారా?
SAతో ఇవాళ IND నాలుగో T20 ఆడనుంది. ఇప్పటికే 2-1తో ఆధిక్యంలో ఉన్న IND సిరీస్ పట్టేయాలని చూస్తోంది. అటు చివరి T20 వరకు సిరీస్ విజేతను వాయిదా వేయాలని SA బరిలోకి దిగనుంది. గత 20+ మ్యాచులుగా విఫలమవుతున్న సూర్య ఫామ్ అందుకుంటారా? లేదా? అని క్రీడా వర్గాల్లో చర్చ జరుగుతోంది. గిల్ సైతం రన్స్ చేయాల్సి ఉంది. లక్నో వేదికగా 7PMకు మ్యాచ్ ప్రారంభం కానుంది. ఇక్కడి ఎకానా స్టేడియంలో ఆడిన 3 T20ల్లోనూ IND గెలిచింది.