News November 15, 2025
విద్యార్థులకు ప్రభుత్వం గుడ్‌న్యూస్
TG: ప్రభుత్వ స్కూళ్లలో చదివే టెన్త్ విద్యార్థులకు ఈసారి అన్ని సబ్జెక్టుల స్టడీ మెటీరియల్ పంపిణీ చేయాలని సర్కార్ నిర్ణయించింది. గతంలో జీవ, భౌతిక, సాంఘికశాస్త్రం, గణితం సబ్జెక్టు మెటీరియల్సే అందజేసేది. ఈసారి వాటితో పాటు తెలుగు, ఇంగ్లిష్, హిందీ, ఉర్దూ సబ్జెక్టులకూ ఇవ్వాలని డిసైడ్ అయింది. ఈనెలలో పంపిణీ చేసేందుకు 2 లక్షల మంది విద్యార్థుల కోసం రూ.7.52 లక్షల స్టడీ మెటీరియల్స్ సిద్ధం చేయిస్తోంది.
Similar News
News November 15, 2025
రాష్ట్ర ప్రభుత్వ నిధులతో 12 గోదాముల ఏర్పాటు
TG: రాష్ట్ర ప్రభుత్వం రూ.155.68 కోట్ల నిధులతో 12 గోదాములను నిర్మించనుంది. వీటి సామర్థ్యం 1.51 లక్షల టన్నులు. కరీంనగర్ జిల్లా లాపపల్లి, నుస్తులాపూర్, ఉల్లంపల్లిలో, NLG జిల్లా దేవరకొండ, VKB జిల్లా దుద్యాల, హనుమకొండ జిల్లా వంగర, ములుగు జిల్లా తాడ్వాయి, మెదక్ జిల్లా అక్కన్నపేట, పెద్దపల్లి జిల్లా రాఘవాపూర్, ఖమ్మం జిల్లా అల్లిపురం, ఎర్రబోయినపల్లి, మంచిర్యాల జిల్లా మోదెలలో వీటిని నిర్మించనున్నారు.
News November 15, 2025
నాబార్డు నిధులతో 14 గోదాములు ఏర్పాటు
TG: మరో 14 గోదాములను రూ.140 కోట్ల నాబార్డు నిధులతో నిర్మించనున్నారు. వీటి సామర్థ్యం 1.40టన్నులు. నాగర్‌కర్నూల్ జిల్లా పులిజాల, KMR జిల్లా జుక్కల్, మహ్మద్‌నగర్, మాల్‌తుమ్మెద, KMM జిల్లా కమలాపూర్, వెంకటాయపాలెం, MDK జిల్లా ఝరాసంగం, SRD జిల్లా బాచుపల్లి, MHBD జిల్లా తోడేళ్లగూడెం, కొత్తగూడ, జగిత్యాల జిల్లా చెప్యాల, మల్యాల, జనగామ జిల్లా రామచంద్రగూడెం, పెద్దపల్లి జిల్లా ధరియాపూర్‌లో వీటిని నిర్మిస్తారు.
News November 15, 2025
గిల్ రిటైర్డ్ హర్ట్.. IND 3 వికెట్లు డౌన్
SAతో జరుగుతున్న తొలి టెస్టులో భారత కెప్టెన్ గిల్ రిటైర్డ్ హర్ట్‌గా వెనుదిరిగారు. సుందర్(29) అవుటవ్వగానే బ్యాటింగ్‌కు వచ్చిన గిల్ తాను ఆడిన మూడో బంతికే ఫోర్ బాదారు. అయితే ఆ షాట్ కొట్టగానే ఆయన మెడ పట్టేసింది. కాసేపు నొప్పితో బాధపడ్డ గిల్ బ్యాటింగ్ చేయలేక మైదానాన్ని వీడారు. అతని స్థానంలో పంత్ బ్యాటింగ్‌కు వచ్చారు. మరోవైపు భారత్ 109 పరుగులకే 3 కీలక వికెట్లు కోల్పోయింది. రాహుల్(39) కూడా ఔట్ అయ్యారు.