News March 10, 2025
విశాఖపట్నం జిల్లాలో టుడే టాప్ న్యూస్
* విశాఖ: స్టీల్ ప్లాంట్ వద్ద కాంట్రాక్ట్ కార్మికుల నిరసన* భీమలి: గుండెపోటుతో టీచర్ మృతి * కూటమి ఇచ్చిన హామీలు నిలబెట్టుకోవాలి: గుడివాడ అమర్నాథ్ * విశాఖ: హోటల్లో మహిళ మృతి.. నిందితుడి అరెస్ట్ * విశాఖ: యథావిధిగా ప్రజా సమస్యల పరిష్కార వేదిక *అసెంబ్లీ, పార్లమెంట్లో మాట్లాడిన విశాఖ MLA, MPలు
Similar News
News March 11, 2025
విశాఖలో హైకోర్టు బెంచ్ ఏర్పాటు చేయాలని వినతి
విశాఖలో హైకోర్టు బెంచ్ ఏర్పాటు చేయాలని బార్ అసోసియేషన్ అధ్యక్షులు బెవర సత్యనారాయణ సోమవారం విజయవాడలో హైకోర్టు ప్రధాన న్యాయమూర్తి జస్టిస్ ధీరజ్ సింగ్ ఠాకూర్‌ను కలిసి వినతి పత్రం అందజేశారు. విశాఖలో హైకోర్టు బెంచ్, క్యాట్, జిల్లా కోర్టు ఆవరణలో గత 10నెలలుగా మూతపడ్డ క్యాంటీన్ తెరవాలని కోరారు. కొత్త కోర్టు బిల్డింగుల్లో ఎయిర్ కండిషన్ సదుపాయం కల్పించాలని విన్నవించారు. బార్ అసోసియేషన్ సభ్యులు పాల్గొన్నారు.
News March 10, 2025
’50 శాతం స్థానాలు ఓబీసీలకు కేటాయించాలి’
దేశ జనాభాలో ఓబీసీల సంఖ్య 50 శాతానికి మించి ఉన్నందున, మొత్తం పార్లమెంటు స్థానాలలో 50 శాతం ఓబీసీలకు కేటాయించాలని బీసీ సంఘం ఉమ్మడి విశాఖ జిల్లా అధ్యక్షుడు భోగి రమణ డిమాండ్ చేశారు. డాబాగార్డెన్స్‌లోని విజెఎఫ్ ప్రెస్ క్లబ్‌లో ఛలో ఢిల్లీ పోస్టర్‌ను ఆవిష్కరించారు. జాతీయ బీసీ సంఘం అధ్యక్షులు ఆర్.కృష్ణయ్య ఆదేశాల మేరకు ఈనెల 12,13 తేదీలలో న్యూఢిల్లీలో ఓబీసీ మేధావులతో రౌండ్ టేబుల్ సమావేశం ఉందని తెలిపారు.
News March 10, 2025
విశాఖలో కాంట్రాక్ట్, అవుట్ సోర్సింగ్ ఉద్యోగాలు
విశాఖలో డైరెక్టర్ ఆఫ్ సెకండరీ హెల్త్ ఆసుపత్రులలో కాంట్రాక్ట్, అవుట్ సోర్సింగ్ ప్రాతిపదికన పోస్టులు భర్తీ చేయనున్నట్లు కలెక్టర్ హరీంద్ర ప్రసాద్ తెలిపారు. ల్యాబ్ టెక్నీషియన్, రేడియోగ్రాఫర్, ఆడియో మెట్రికన్, ఫిజియోథెరపిస్ట్ తదితర 13 పోస్టులు భర్తీ చేయనున్నారు. అర్హులైనవారు పెందుర్తి ప్రభుత్వ హాస్పిటల్‌లో మార్చ్ 17లోపు దరఖాస్తు అందజేయాలన్నారు. పూర్తి వివరాలకు www.visakhapatnam.ap.gov.in చూడాలన్నారు.