News January 15, 2026
విశాఖలో డాగ్ స్క్వాడ్తో తనిఖీలు
విశాఖ సీపీ శంఖబ్రత బాగ్చి ఆదేశాల మేరకు గంజాయి అక్రమ రవాణాను పూర్తిగా అరికట్టేందుకు డాగ్ స్క్వాడ్ సహాయంతో నగరంలో గురువారం విస్తృత తనిఖీలు చేపట్టారు. ఆర్టీసీ కాంప్లెక్స్, రైల్వే స్టేషన్, కొరియర్ కార్యాలయాలను క్షుణ్ణంగా పరిశీలిస్తూ విశాఖలో నిరంతర నిఘా కొనసాగించారు. గంజాయి వంటి మత్తుపదార్థాలు రవాణా కాకుండా ప్రజల భద్రత, యువత భవిష్యత్తు, రక్షణే లక్ష్యంగా కట్టుదిట్టమైన చర్యలు తీసుకుంటున్నట్లు చెప్పారు.
Similar News
News February 7, 2026
‘గీతం భూముల వ్యవహారంలో బాధ్యులపై చర్యలకు డిమాండ్’
వైసీసీ ఎమ్మెల్సీలు కుంభా రవిబాబు, వరుదు కళ్యాణి, విశాఖ మాజీ మేయర్ గొలగాని హరికుమారి తాడేపల్లిలో మాట్లాడుతూ గీతం సంస్థల ఆధీనంలోని 54.79 ఎకరాల ప్రభుత్వ భూమి రెగ్యులరైజేషన్ను జీవీఎంసీ కౌన్సిల్ నిబంధనలకు విరుద్ధంగా ఆమోదించారని ఆరోపించారు. ఈ నిర్ణయంపై బాధ్యులపై చట్టపరమైన చర్యలు తీసుకోవాలని మున్సిపల్ అడ్మినిస్ట్రేషన్ ప్రిన్సిపల్ సెక్రటరీకి వినతి పత్రం సమర్పించారు.
News February 7, 2026
విశాఖలో నేషనల్ సూపర్ క్రాస్ రేసింగ్.. పార్కింగ్ ఆంక్షలు ఇవే..
విశాఖలోని పాత మున్సిపల్ స్టేడియంలో శనివారం మధ్యాహ్నం 3 నుంచి రాత్రి 11 వరకు ‘MRF నేషనల్ సూపర్ క్రాస్ ఛాంపియన్షిప్’ జరగనుంది. ఈ సందర్భంగా ట్రాఫిక్ సీఐ షణ్ముఖరావు పార్కింగ్ సూచనలు జారీ చేశారు. గాజువాక పోర్ట్ రోడ్డులో, పూర్ణా మార్కెట్ వారు జీవీఎంసీ ప్లాంట్ వద్ద వాహనాలు నిలపాలన్నారు. VVIP పాస్ ఉన్నవారు స్టేడియంలో పార్కింగ్ చేయాలని, ప్రజలు సహకరించాలని ఆయన కోరారు.
News February 7, 2026
విశాఖ: ఈనెల 14 నుంచి సముద్రంపై చేపల వేట నిషేధం
ఐఎఫ్ఆర్ మిలాన్ కార్యక్రమం నేపథ్యంలో ఈనెల 14 నుంచి 21వ తేదీ వరకు మత్స్యకారులు సముద్రంలో చేపల వేటకు వెళ్లరాదని, వేట నిషేధం ఉంటుందని మత్స్యకార జేడీ లక్ష్మణరావు తెలిపారు. 30, 37వ వార్డులో కొత్త జాలరి పేట, పెయిందొర పేటలో వేటకు వెళ్లే మత్స్యకారులకు అవగాహన కల్పించారు. అంతర్జాతీయ ఫ్లీట్ రివ్యూ సజావుగా సాగేందుకు మత్స్యకాలందరూ సహకరించాలని ఆయన కోరారు.