News October 2, 2025
విశాఖలో భారీ వర్షాల నేపథ్యంలో కంట్రోల్ రూమ్ నంబర్‌లు
విశాఖపట్నంలో భారీ నుంచి అతి భారీ వర్షాల నేపథ్యంలో, ఉన్నతాధికారుల ఆదేశాల మేరకు ప్రజల సహాయార్థం కంట్రోల్ రూములను ఏర్పాటు చేశారు. అత్యవసర సహాయం కోసం ఈ క్రింది నంబర్లకు సంప్రదించవచ్చు. విశాఖ కలెక్టర్ ఆఫీస్ కంట్రోల్ రూమ్: 0891-2590100, 0891-2590102, విశాఖ రెవెన్యూ డివిజనల్ అధికారి (RDO): 8500834958, భీమిలి రెవెన్యూ డివిజనల్ అధికారి (RDO): 8074425598 నంబర్ అందుబాటులో తీసుకువచ్చారు.
Similar News
News October 2, 2025
జైలు ఒక శిక్షణాలయం వంటిది: కలెక్టర్
విశాఖ సెంట్రల్ జైలులో గాంధీ జయంతి ఘనంగా నిర్వహించారు. కార్యక్రమానికి ముఖ్య అతిథులుగా జిల్లా ప్రధాన న్యాయమూర్తి రాజు, కలెక్టర్ హరిందర్ ప్రసాద్, జిల్లా న్యాయ సేవల సంస్థ సెక్రటరీ సన్యాసినాయుడు హాజరై ఖైదీలతో ముచ్చటించారు. కలెక్టర్ మాట్లాడుతూ.. జైలు అనేది శిక్షణాలయం వంటిదని, ప్రతి ఒక్కరూ సోదరభావంతో నడుచుకుంటూ శాంతి, అహింసా మార్గాలలో ప్రవర్తించాలని సూచించారు.
News October 2, 2025
విశాఖలో వర్షపాతం వివరాలు..
అల్పపీడనం కారణంగా విశాఖలో బుధవారం నుంచి భారీ వర్షాలు కురుస్తున్నాయి. నిన్న నగరంలో నమోదైన వర్షపాతం వివరాలను అధికారులు గురువారం విడుదల చేశారు. ఆనందపురంలో 37.8 మి.మీ., భీమునిపట్నంలో 23.6, పద్మనాభంలో 21.4, పెదగంట్యాడలో 19.2, సీతమ్మధారలో 18.2, విశాఖ (రూరల్), ములగడలో 14.8, గోపాలపట్నంలో 14.2, మహారాణిపేటలో 14, పెందుర్తి, గాజువాకలో తక్కువగా 12.8, 10.2 మిల్లీమీటర్లు నమోదైందన్నారు.
News October 2, 2025
గోపాలపట్నంలో విచ్చలవిడిగా నాన్‌వెజ్ అమ్మకాలు
గాంధీ జయంతి సందర్భంగా నేడు మాంసాహారం దుకాణాలు తెరవొద్దని అధికారులు హెచ్చరించిన విషయం తెలిసిందే. అయితే దసరా కావడంతో గోపాలపట్నం ప్రాంతంలో చికెన్, మటన్ షాపుల యజమానులు బహిరంగంగానే గురువారం అమ్మకాలు జరుపుతున్నాయి. అధికారులు ప్రకటనలతోనే సరిపెట్టుకుంటున్నారని, చర్యలు తీసుకోవడంలో నిర్లక్ష్యంగా వ్యవహరిస్తున్నారని పలువురు విమర్శిస్తున్నారు.