News November 10, 2025
విశాఖ: ఉద్యోగం లేదని ఆత్మహత్య
విశాఖలోని ఓ వ్యక్తి ఉద్యోగం లేదని ఆత్మహత్య చేసుకున్నాడు. సంపత్ కుమార్ (32) శంకరమఠం రోడ్డు రామలింగేశ్వర టెంపుల్ ఎదురుగా ఓ ఇంట్లో నివాసం ఉంటున్నాడు. ఉద్యోగం లేదనే మనస్తాపంతో సంపత్ సోమవారం ఉదయం ఆత్మహత్య చేసుకున్నట్లు కుటుంబ సభ్యులు తెలిపారు. వీరి ఫిర్యాదుతో ద్వారకానగర్ పోలీసులు కేసు నమోదు చేసి దర్యాప్తు చేపట్టారు. సంపత్‌కు పెళ్లి కాగా.. తల్లిదండ్రులతో కలిసి ఉంటున్నాడు.
Similar News
News November 10, 2025
గట్టు: పేదల సొంతింటి కల సాకారమే లక్ష్యం-MLA బండ్ల
పేదల సొంతింటి కల సాకారం చేయడమే లక్ష్యంగా ప్రభుత్వం పని చేస్తుందని గద్వాల ఎమ్మెల్యే బండ్ల కృష్ణమోహన్ రెడ్డి పేర్కొన్నారు. గట్టు మండలం ఆరగిద్దలో నిర్మాణం పూర్తయిన ఇందిరమ్మ ఇండ్ల ప్రారంభోత్సవం సోమవారం జరిగింది. కార్యక్రమానికి హాజరైన ఎమ్మెల్యే రిబ్బన్ కట్ చేసి 3 ఇళ్లు ప్రారంభించారు. సీఎం రేవంత్ రెడ్డి ప్రజా పాలనలో పేదలు సొంతిల్లు నిర్మించుకునే అవకాశం లభించిందన్నారు. మాజీ ఎంపీపీ విజయ్ పాల్గొన్నారు.
News November 10, 2025
గొల్లప్రోలు: కుక్క కాటుతో బాలుడి మృతి
గొల్లప్రోలు మండలం కొడవలి గ్రామానికి చెందిన మూడేళ్ల బాలుడు భరత్ కుక్కకాటుతో మృతి చెందాడు. స్థానికులు తెలిపిన వివరాల మేరకు.. నెల రోజుల క్రితం కుక్క కరవడంతో బాలుడికి 4 డోసులు రాబిస్ ఇంజెక్షన్లు ఇచ్చారు. నిన్న అకస్మాత్తుగా నీరసంగా ఉండటంతో కాకినాడ ప్రభుత్వాసుపత్రికి తరలించగా, అక్కడ చికిత్స పొందుతూ బాలుడు మరణించాడు. దీంతో గ్రామంలో విషాదఛాయలు అలుముకున్నాయి.
News November 10, 2025
ఎర్రగుంట్లలోని ఆలయంలో హీరో సుమన్ సందడి
ఎర్రగుంట్ల (M) కలమల్ల గ్రామంలోని చెన్నకేశవ స్వామి ఆలయంలో సినీ హీరో సుమన్ సందడి చేశారు. అక్కడ ఉన్న పురాతన తొలి తెలుగు శాసనాన్ని పరిశీలించారు. తెలుగు శాసనాన్ని కట్టుదిట్టంగా ఏర్పాటు చేయడానికి తనవంతు కృషి చేస్తానన్నారు. ఆయన వెంట ఆలయాధికారులు, అర్చకులు, సిబ్బంది పాల్గొన్నారు.