News July 8, 2024

విశాఖ మన్యంలో సీతాఫలాల విక్రయాలు ప్రారంభం

సీతాఫలాల సీజన్ ప్రారంభమైంది. పాడేరు ఘాట్‌లోని వంట్లమామిడి, 12వమైలురాయి జంక్షన్ వద్ద గిరిజన రైతులు అమ్మకాలను ప్రారంభించారు. పక్వానికి వచ్చిన 10 పండ్ల బుట్టను సైజును బట్టి రూ.150 నుంచి రూ.200కు విక్రయిస్తున్నారు. స్థానికులతో పాటు సందర్శకులు కొనుగోలు చేస్తున్నారు. వంట్లమామిడి, సలుగు, దేవాపురం, మినుములూరు, మోదాపల్లి, వనుగుపల్లి తదితర ప్రాంతాల్లో వేలాది ఎకరాల్లో సీతాఫలం తోటలు ఉన్నాయి.