News January 30, 2026
విష్ణువు వరాహ అవతారాన్ని ఎందుకు ఎత్తాడు?
హిరణ్యాక్షుడు వేదాలను అపహరించి, భూమిని సముద్ర గర్భంలో దాచాడు. దీంతో సృష్టి కార్యానికి ఆటంకం కలిగింది. అప్పుడు బ్రహ్మదేవుని నాసిక నుంచి అతి చిన్న రూపంలో వరాహ స్వామి ఉద్భవించాడు. క్షణ కాలంలోనే ప్రచండ రూపం దాల్చాడు. లోకోద్ధరణ కోసం సముద్రంలోకి దూకి, హిరణ్యాక్షుడిని సంహరించి, కోరలపై భూమిని నిలిపి పైకి తెచ్చాడు. వేదాలను రక్షించి, భూమిని ఉద్ధరించడమే ఈ అవతార ప్రధాన లక్ష్యం. ఆ తర్వాత తిరుమలలో కొలువయ్యారు.
Similar News
News February 15, 2026
రైతుభరోసా ఒకే విడతలో.. ?
TG: గతంలో మాదిరి కాకుండా ఈసారి ప్రభుత్వం ఒకే విడతలో రైతుభరోసా నిధులను విడుదల చేయనున్నట్లు తెలుస్తోంది. ఇప్పటివరకు ఎకరాల చొప్పున డబ్బులు విడుదల చేయడంతో మొత్తం ప్రక్రియ పూర్తయ్యేసరికి 9 రోజుల సమయం పట్టేది. ఈసారి పెట్టుబడికి రైతులు ఎదురుచూడాల్సిన అవసరం లేకుండా ఒకే విడతలో ఖాతాల్లో డిపాజిట్ చేయనున్నట్లు సమాచారం. కాగా ఈ నెల 17న రైతుభరోసా నిధులు విడుదల చేయనున్నట్లు తెలుస్తోంది.
News February 15, 2026
పాకిస్థాన్కు ‘ధురంధర్’ డోస్!
T20 WCలో ఇవాళ కొలంబో వేదికగా జరగనున్న IND, PAK మ్యాచుకు ముందు మ్యూజికల్ ప్రోగ్రామ్ నిర్వహించనున్నారని జాతీయ క్రీడా వర్గాలు తెలిపాయి. ఇందులో ‘ధురంధర్’ సినిమా పాటల్ని ప్లే చేస్తారని, ర్యాపర్ హనుమాన్కైండ్ పర్ఫార్మెన్స్ ఇవ్వనున్నారని పేర్కొన్నాయి. పాక్, గల్ఫ్ దేశాల్లో ఈ సినిమాపై బ్యాన్ విధించిన సంగతి తెలిసిందే. కానీ ఈరోజు ఆ టీమ్తో పాటు PCB ఛైర్మన్ మోహ్సిన్ నఖ్వీకి ‘ధురంధర్’ డోస్ తప్పేలా లేదు.
News February 15, 2026
శివుడే విష్ణువు, విష్ణువే శివుడు
శివాయ విష్ణు రూపాయ శివరూపాయ విష్ణవే|
శివస్య హృదయం విష్ణుర్విష్ణోశ్చ హృదయం శివః’||
శివుడు, విష్ణువు వేర్వేరు కాదు. ఒకే పరమాత్మ 2 రూపాలు. విష్ణువు జలతత్వమైతే, శివుడు అగ్నితత్వం. వీటి కలయికే ఈ సృష్టి. శివుని హృదయం విష్ణువు. శివుడు విష్ణువు హృదయం అని పురాణాల వాక్కు. సృష్టిని కాపాడటానికి విష్ణువుగా, లయం చేయడానికి శివుడిగా ఆ పరబ్రహ్మమే అవతరించింది. అందుకే వీరిద్దరినీ ‘హరిహరులు’గా పూజిస్తాం.