News April 9, 2025
వెంకటగిరిలో టెన్షన్.. టెన్షన్
తిరుపతి జిల్లా వెంకటగిరి మున్సిపల్ ఛైర్‌పర్సన్ నక్కా భానుప్రియపై ఇవాళ అవిశ్మాస తీర్మానం జరగనుంది. అధికారులు 144 సెక్షన్ అమలుతో పక్కాగా ఏర్పాట్లు చేశారు. మొత్తం 25 వార్డుల్లో వైసీపీనే గెలవగా ఎన్నికలకు ముందు ముగ్గురు టీడీపీలో చేరారు. మరికొందరు భానుప్రియపై అసంతృప్తిగా ఉన్నారు. టీడీపీ సాయంతో భానుప్రియను కుర్చీ దింపడానికి మాజీ మున్సిపల్ ఛైర్మన్ దొంతు శారద ప్రయత్నిస్తుండగా ఏం జరుగుతుందో చూడాలి మరి.
Similar News
News April 17, 2025
ఓర్వకల్లు ఎయిర్ పోర్టులో కేంద్ర మంత్రికి ఘన స్వాగతం
ఉమ్మడి కర్నూలు జిల్లాలో తమ పర్యటనలో భాగంగా కేంద్ర మంత్రి ప్రహ్లాద్ జోషి గురువారం సాయంత్రం ఓర్వకల్లు ఎయిర్ పోర్టుకు చేరుకున్నారు. ఓర్వకల్లు ఎయిర్ పోర్టులో కేంద్ర మంత్రి జోషికి నంద్యాల, కర్నూలు ఎంపీలు బైరెడ్డి శబరి, నాగరాజు,పాణ్యం ఎమ్మెల్యే గౌరు చరిత రెడ్డి, టీజీ వెంకటేష్, కర్నూలు ఎస్పీ విక్రాంత్ పాటిల్ ఘన స్వాగతం పలికారు. పిన్నాపురంలోని గ్రీన్ కో ప్రాజెక్ట్, అహోబిలంలో ఆయన పర్యటించనున్నారు.
News April 17, 2025
ప్రభుత్వ పాఠశాలల్లో చేరేలా ప్రోత్సహించండి: కలెక్టర్
జిల్లాలో బడి ఈడు పిల్లలందర్నీ ప్రభుత్వ పాఠశాలల్లో చేర్పించి అక్కడే విద్యనభ్యసించేలా చర్యలు తీసుకోవాలని జిల్లా కలెక్టర్ జి.రాజకుమారి సంబంధిత అధికారులు, మండల, నియోజకవర్గ స్పెషల్ అధికారులను ఆదేశించారు. గురువారం కలెక్టరేట్‌లోని పీజీఆర్ఎస్ హాలులో ఎంఈఓలు, తహశీల్దార్లు, స్పెషల్ ఆఫీసర్లు, ఐసీడీఎస్ సూపర్వైజర్లు, ఆర్డీవోతో జిల్లా కలెక్టర్ సమావేశం నిర్వహించి పలు సూచనలు చేశారు.
News April 17, 2025
ఈ-వేస్ట్ కేంద్రాలను ఏర్పాటు చేయాలి: కలెక్టర్
మున్సిపాలిటీల‌తోపాటు అన్ని మండలాల్లోఈ నెల 19 నాటికి ఈ-వేస్ట్ సేక‌ర‌ణ కేంద్రాలను ఏర్పాటు చేయాల‌ని జిల్లా కలెక్టర్ ఆదేశించారు. స్వ‌ర్ణాంధ్ర-స్వ‌చ్ఛాంధ్ర కార్య‌క్ర‌మంపై మున్సిపల్ క‌మిష‌న‌ర్లు, ఎంపిడిఓలు, ఈఓపిఆర్డిలతో కలెక్టర్ టెలీ కాన్ఫ‌రెన్స్ నిర్వ‌హించారు. స్వ‌చ్ఛాంధ్ర కార్య‌క్ర‌మంపై స‌మీక్షించారు. 13 శాఖలు భాగస్వామ్యం కావాలని ఆయా శాఖల పరంగా చేయవలసిన విధులు, అంశాలను వివరించారు.