News December 28, 2025
వేములవాడ: బద్ది పోచమ్మ సన్నిధిలో ‘బోనాల’ సందడి
మేడారం జాతర నేపథ్యంలో వేములవాడకు భక్తుల రాక పెరగడంతో ఆదివారం బద్ది పోచమ్మ ఆలయం వద్ద భక్తులు పోటెత్తారు. తెల్లవారుజాము నుంచే బోనాలతో క్యూలైన్లలో బారులు తీరారు. ఒక్కో మొక్కు చెల్లించుకోవడానికి సుమారు రెండు గంటల సమయం పడుతోంది. అయితే, క్యూలైన్లలో తగిన వసతులు లేకపోవడంతో భక్తులు తీవ్ర ఇబ్బందులు పడుతున్నారు. భక్తుల రద్దీని దృష్టిలో ఉంచుకుని అధికారులు మెరుగైన ఏర్పాట్లు చేయాలని స్థానికులు కోరుతున్నారు.
Similar News
News December 28, 2025
కడియం: ఒకే వేదికపై ఇరు రాష్ట్రాల సీఐలు
వృత్తిరీత్యా ఎక్కడ ఉన్నా.. ఆపదలో ఉన్న సహచరులకు అండగా నిలుస్తూ 2009 బ్యాచ్కు చెందిన సీఐలు ఆదర్శంగా నిలుస్తున్నారు. కడియంలోని జీఎన్ఆర్ కల్యాణ వేదికపై ఆదివారం రెండు రాష్ట్రాల నుంచి సుమారు 400 మంది అధికారులు ఆత్మీయంగా కలుసుకున్నారు. 2022 నుంచి ఏటా కలుస్తున్న వీరు, ఇప్పటివరకు మరణించిన 15 మంది సహచరుల కుటుంబాలకు రూ.8.20 కోట్ల భారీ ఆర్థిక సాయాన్ని అందించి తమ ఉదారతను చాటుకున్నారు.
News December 28, 2025
ఇక నుంచి ప్రతి సోమవారం రెవెన్యూ క్లినిక్: విజయనగరం కలెక్టర్
ప్రభుత్వ ఆదేశాల మేరకు జిల్లా కలెక్టరేట్లో ప్రతి సోమవారం ఉదయం 10 గంటలకు రెవెన్యూ క్లినిక్ నిర్వహించనున్నట్లు కలెక్టర్ రాంసుందర్ రెడ్డి ఆదివారం ఓ ప్రకటనలో తెలిపారు. ఈ క్లినిక్కు ఆర్డీఓలు, తహశీల్దార్లు తప్పనిసరిగా హాజరుకావాలని ఆదేశించారు. RDO, తహశీల్దార్ కార్యాలయాల్లో కూడా సిబ్బంది అందుబాటులో ఉంటారన్నారు. ప్రజలు తమ భూ రెవెన్యూ సమస్యలను ఈ రెవెన్యూ క్లినిక్ ద్వారా పరిష్కరించుకోవాలన్నారు.
News December 28, 2025
OpenAI సూపర్ ఆఫర్.. రూ.4.6 కోట్ల జీతం
OpenAI భారీ జీతంతో ఓ జాబ్ ఆఫర్ ప్రకటించింది. ‘హెడ్ ఆఫ్ ప్రిపేర్డ్నెస్’ అనే కీలక రోల్కు ఏటా 5.55 లక్షల డాలర్ల (సుమారు రూ.4.6 కోట్లు) జీతం ఇవ్వనున్నట్లు ఆ సంస్థ CEO సామ్ ఆల్ట్మన్ ప్రకటించారు. దీనికి సెలక్ట్ అయితే కొత్త AI మోడల్స్ వల్ల కలిగే సైబర్, భద్రతా ముప్పులను ముందే అంచనా వేసి నివారణ చర్యలను డిజైన్ చేయాలి. మెషిన్ లెర్నింగ్, AI సేఫ్టీ, సైబర్ సెక్యూరిటీ రంగాల్లో ఎక్స్పీరియన్స్ ఉండాలి.