News November 29, 2025

వేములవాడ: భక్తుల రద్దీ, సౌకర్యాలపై ఈవో ఆరా

image

వేములవాడ శ్రీ రాజరాజేశ్వర స్వామి దేవస్థానం అనుబంధ ఆలయమైన శ్రీ భీమేశ్వర స్వామి ఆలయంలో భక్తుల రద్దీ దృష్ట్యా సౌకర్యాలపై ఆలయ ఈవో రమాదేవి ఆరా తీశారు. ఈ సందర్భంగా ఆలయంలో ప్రారంభించిన సేవా టికెట్లు, క్యూలైన్లు, భక్తుల కోసం ఏర్పాటు చేసిన పలు సౌకర్యాలను పరిశీలిస్తూ, భక్తులకు ఎలాంటి ఇబ్బందులు కలగకుండా చూడాలని ఆలయ సిబ్బందికి ఆమె పలు సూచనలు చేశారు. ఆలయ ఇన్స్పెక్టర్ ఎడ్ల శివసాయి, ఎస్పీఎఫ్ సిబ్బంది ఉన్నారు.

Similar News

News November 30, 2025

సింహాచలంలో ఐదు రోజుల పాటు ఆర్జీత సేవలు రద్దు

image

సింహాచలం వరహాలక్ష్మి నరసింహ స్వామి ఆలయంలో తిరుమంగై ఆళ్వార్ తిరునక్షత్ర ఉత్సవాలు ఆదివారం నుంచి ప్రారంభమయ్యాయి. ఆదివారం మొదలుకొని ఐదు రోజుల పాటు ఈ ఉత్సవాలు నిర్వహించనున్నట్లు ఈఓ సుజాత తెలిపారు. ఈ మేరకు నవంబర్ 30నుంచి డిసెంబర్ 4వరకు ఆలయంలో ప్రతి రోజు జరిగే ఆర్జీత సేవలు రద్దు చేశారు. దర్శనాలు యథావిధిగా జరుగుతాయన్నారు. భక్తులు గమనించాలన్నారు.

News November 30, 2025

రేపు పున: ప్రారంభం కానున్న వరంగల్ మార్కెట్

image

రెండు రోజుల విరామం అనంతరం వరంగల్ ఎనుమాముల వ్యవసాయ మార్కెట్ సోమవారం పున: ప్రారంభం కానుంది. శని, ఆదివారాలు వారాంతపు సెలవులు కావడంతో మార్కెట్ బంద్ ఉంది. దీంతో సోమవారం ప్రారంభం కానుండగా.. రైతులు నాణ్యమైన సరుకులను మార్కెట్‌కు తీసుకొని వచ్చి మంచి ధర పొందాలని అధికారులు సూచించారు. కాగా, ఉదయం 6 నుంచి మార్కెట్లో కొనుగోళ్లు ప్రారంభం కానున్నాయి.

News November 30, 2025

GNT: జిల్లాలో 2024-25లో ఎంతమందికి వచ్చింది అంటే.?

image

డిసెంబర్ 1వ తేదీన ఎయిడ్స్ దినోత్సవం జరుపుకుంటాం. 2024-25లో 85,348 మంది HIV పరీక్షలు చేయించుకోగా వారిలో 1054 మందికి (25 మంది గర్భిణులు) HIV ఉన్నట్లు నిర్ధారణ జరిగింది. 2017-2025 అక్టోబర్ వరకు 12,27,289 మంది పరీక్షలు చేయించుకోగా 11,476 (277మంది గర్భిణులు) మందికి HIV సోకింది. జిల్లాలో 18,441 మంది HIVతో జీవిస్తూ గుంటూరు జిల్లాలోని 5 ART కేంద్రాల ద్వారా ప్రతి నెలా మందులు వాడుతున్నారు.