News November 18, 2024
వేములవాడ రాజన్నను దర్శించుకున్న 80,981 మంది భక్తులు
దక్షిణ కాశీగా పేరుగాంచిన వేములవాడ శ్రీరాజరాజేశ్వరస్వామివారి కార్తీక మాసం సోమవారం పురస్కరించుకొని 80,981 మంది భక్తులు దర్శించుకున్నట్లు ఈవో వినోద్ రెడ్డి తెలిపారు. అధిక సంఖ్యలో భక్తులు రావడంతో ఆలయంతో పాటు పరిసర ప్రాంతాలు భక్తులతో కిటకిటలాడాయి. ధర్మదర్శనంలో భక్తులకు ఇబ్బందులు కలగకుండా ఆలయ అధికారులు పర్యవేక్షించారు.
Similar News
News November 18, 2024
ఉమ్మడి కరీంనగర్ జిల్లాలో నేటి టాప్ న్యూస్
@ సీఎం పర్యటన నేపథ్యంలో సమీక్ష సమావేశం నిర్వహించిన సిరిసిల్ల కలెక్టర్. @ పెద్దపల్లిలో ఉరి వేసుకుని వ్యక్తి ఆత్మహత్య. @ ఉమ్మడి కరీంనగర్ జిల్లా వ్యాప్తంగా ప్రశాంతంగా ముగిసిన గ్రూప్ 3 పరీక్ష. @ వేములవాడ రాజన్న ఆలయంలో భక్తుల రద్దీ. @ ధర్మారం మండలంలో ఉరివేసుకొని యువతి ఆత్మహత్య. @ కథలాపూర్ మండలంలో రోడ్డు ప్రమాదంలో వ్యక్తి మృతి. @ రామడుగు పోలీస్ స్టేషన్ ను తనకి చేసిన పోలీస్ కమిషనర్.
News November 18, 2024
జగిత్యాల జిల్లాకు మరో ప్రభుత్వ కళాశాల
వేములవాడ నియోజకవర్గంలోని మేడిపల్లి మండలంలో ప్రభుత్వ జూనియర్ కళాశాలను ప్రభుత్వ విప్, వేములవాడ ఎమ్మెల్యే ఆది శ్రీనివాస్ మంజూరు చేయించారు. ఈ మేరకు రాష్ట్ర ప్రభుత్వం సోమవారం ఉత్తర్వులు జారీ చేసింది. మండల ప్రజల చిరకాల స్వప్నమైన ప్రభుత్వ జూనియర్ కళాశాల మంజూరుకు కృషి చేసిన ప్రభుత్వ విప్ ఆది శ్రీనివాస్‌కు విద్యార్థులు, మండల ప్రజలు ధన్యవాదాలు తెలిపారు.
News November 18, 2024
పెద్దపల్లి: మద్యం మత్తులో బాలుడిపై కత్తితో దాడి
మద్యం మత్తులో ఆదివారం ఓ వ్యక్తి బాలుడిపై కత్తితో దాడి చేశారు. ఈ ఘటన పెద్దపల్లి పట్టణంలోని బండారి కుంటలో జరిగింది. పోలీసుల వివరాల ప్రకారం.. మధ్యాహ్నం ఆడుకుంటున్న గౌస్ బాబా(11) అనే బాలుడిపై అదే ప్రాంతానికి చెందిన చాంద్ పాషా మద్యం మత్తులో కత్తితో దాడి చేశాడు. బాలుడు చాక చక్యంగా తప్పించుకోవడంతో మెడకు గాయమైంది. నిందితుడిని అదుపులోకి తీసుకున్నట్లు పెద్దపల్లి ఎస్‌ఐ తెలిపారు.