News February 19, 2026
వ్యాపారులూ జాగ్రత్త.. ఆ ‘పేమెంట్ సక్సెస్’ సౌండ్ ఫేక్ కావొచ్చు!
అసలైన యాప్లను పోలి ఉండే నకిలీ పేమెంట్ యాప్స్తో కేటుగాళ్లు వ్యాపారులను నిలువునా ముంచుతున్నారు. ఈ ఫేక్ యాప్స్ అచ్చం ఒరిజినల్ లాగే కనిపిస్తూ పేమెంట్ అవ్వకపోయినా ‘సక్సెస్’ స్క్రీన్ను, సౌండ్ను క్రియేట్ చేస్తాయి. దీని నుంచి తప్పించుకోవాలంటే కేవలం కస్టమర్ ఫోన్ స్క్రీన్ చూడటం కాకుండా మీ సొంత యాప్లోని ట్రాన్సాక్షన్ హిస్టరీని చెక్ చేసుకోవడం లేదా బ్యాంక్ నుంచి వచ్చే SMS పైనే ఆధారపడాలి.
Similar News
News February 19, 2026
హైదరాబాద్ బిర్యానీ రెస్టారెంట్లు.. ₹70,000 కోట్లకు లెక్క లేదు!
హైదరాబాద్ బిర్యానీ చైన్ రెస్టారెంట్స్ ₹70,000 కోట్ల మేర సేల్స్ లెక్కల్లో చూపలేదని ఆదాయపన్ను శాఖ గుర్తించింది. బిల్స్ డిలీట్, ఎడిటింగ్ వంటివి చేస్తూ తక్కువ సేల్ చూపించి పన్ను ఎగ్గొడుతున్నట్లు గుర్తించింది. బిల్లింగ్కు వాడే సాఫ్ట్వేర్ డేటాను Ai సహా లేటెస్ట్ టూల్స్తో విశ్లేషించగా ఇది తెలిసింది. 2019-20 సం. నుంచి విశ్లేషించిన 10% డేటాతో TN, KA, TG, MH, GJ రాష్ట్రాల్లో ఇది ఎక్కువగా ఉందని తేలింది.
News February 19, 2026
రేపు ఢిల్లీ ఏఐ సమ్మిట్కు CM చంద్రబాబు
AP: ముఖ్యమంత్రి చంద్రబాబునాయుడు శుక్రవారం ఢిల్లీ వెళ్లనున్నారు. అక్కడ జరుగుతున్న ఏఐ సమ్మిట్లో పాల్గొంటారు. అక్కడికి వచ్చిన పారిశ్రామిక దిగ్గజాలతో సమావేశం అవుతారు. ఈ సందర్భంగా పలు ఒప్పందాలు చేసుకోనున్నారు. IBM, UNICC, NIELIT సంస్థలతో ఈ ఒప్పందాలు జరగనున్నాయి. UK మంత్రి, ఆరామ్కో ఇండియా, అడోబ్ ఇండియా సీఈఓలతో చంద్రబాబు సమావేశం అవుతారు. అనంతరం సాయంత్రం ఢిల్లీ నుంచి తిరిగి అమరావతికి చేరుకుంటారు.
News February 19, 2026
ఎప్స్టీన్ ఫైల్స్: బ్రిటన్ మాజీ ప్రిన్స్ అరెస్ట్
బ్రిటన్ మాజీ యువరాజు (ప్రిన్స్) ఆండ్రూను పోలీసులు అరెస్టు చేశారు. ఈస్టర్న్ ఇంగ్లండ్లోని ఆయన నివాసానికి 6 కార్లలో వచ్చి అదుపులోకి తీసుకున్నారు. ‘ప్రభుత్వ కార్యాలయంలో తప్పుడు ప్రవర్తన’ కింద అరెస్టు చేసినట్లు ప్రకటించారు. ఇవాళ ఆయన పుట్టినరోజు కావడం గమనార్హం. కాగా అమెరికా లైంగిక నేరస్థుడు ఎప్స్టీన్కు ఆండ్రూ కీలకమైన వాణిజ్య నివేదికలు పంపినట్లు ఆరోపణలున్నాయి.