News October 25, 2024

శ్రీకాకుళం జిల్లాలో నేటి నుంచి పశుగణన సర్వే

శ్రీకాకుళం జిల్లా వ్యాప్తంగా 30 మండలాల్లో శుక్రవారం నుంచి అఖిల భారత పశుగణన కార్యక్రమం నిర్వహించనున్నారు. ఈ పశుగణన సర్వే ఫిబ్రవరి 25 వరకు కొనసాగనుంది. జిల్లాలోని ఆవులు, గేదెలు, గొర్రెలు, మేకలు, పందులు, కోళ్లు వంటి అన్ని రకాల మూగజీవాల లెక్కింపు చేపడతారు. దీనికోసం పశుసంవర్ధక శాఖ 257 మంది సిబ్బందిని వినియోగించనున్నారు. రోజుకు కనీసం 50 ఇళ్లల్లో సర్వే చేయనున్నారు. పట్టణాల్లో కూడా సర్వే చేస్తారు.