News June 18, 2024

శ్రీకాకుళం: సిరిమానోత్సవంలో అపశ్రుతి.. ఒకరి మృతి

ఎచ్చెర్ల మండల పరిధిలోని కుప్పిలి గ్రామంలో మంగళవారం గ్రామ దేవత శ్రీ అసిరితల్లి సిరిమానోత్సవంలో అపశ్రుతి నెలకొంది. స్థానికుల వివరాలు.. గ్రామంలో ఉరేగిస్తున్న సిరిమాను ఒక్కసారిగా విరిగిపోవడంతో సిరిమానుపై కూర్చున్న పూజారి కింద ఉన్న వారిపై పడ్డారు. తీవ్రంగా గాయపడ్డ వారిని ఆస్పత్రికి తరలించగా కారి పల్లేటి అనే వ్యక్తి మృతి చెందినట్టు వైద్యులు తెలిపారు. అప్పన్న అనే మరో వ్యక్తి పరిస్థితి సీరియస్‌గా ఉంది.