News December 21, 2025
శ్రీరాంపూర్: సింగరేణి రైటర్డ్ కార్మికులకు శుభవార్త
సింగరేణి రిటైర్డ్ కార్మికుల పట్ల కీలక నిర్ణయం తీసుకుంది. 2024-25 ఆర్థిక సంవత్సరంలో పదవీ విరమణ పొందిన వారికి క్వార్టర్ ఖాళీ చేయాలనే నిబంధనతో సంబంధం లేకుండా 34 శాతం లాభాల వాటా, దీపావళి బోనస్ చెల్లించేందుకు అంగీకరించింది. AITUC నాయకత్వంలో జరిగిన చర్చలు సఫలం కావడంతో ఈ ఊరట లభించింది. గతంలో ప్రకటించిన షెడ్యూల్ ప్రకారమే నేరుగా కార్మికుల బ్యాంక్ ఖాతాల్లో ఈ మొత్తాన్ని జమ చేయనున్నారు.
Similar News
News December 30, 2025
సిద్దిపేట: షీ టీం ఆధ్వర్యంలో 337 మందికి కౌన్సిలింగ్
2025లో ఈవ్ టీజింగ్కు పాల్పడిన 337 మందికి కౌన్సెలింగ్ చేసినట్లు సిద్దిపేట జిల్లా పోలీస్ శాఖ వార్షిక నివేదికలో తెలిపింది. షీ టీమ్ ఆధ్వర్యంలో పాఠశాలల్లో మహిళలు, విద్యార్థినులకు అవగాహన కార్యక్రమాలు నిర్వహించారు. ఈవ్ టీజింగ్ చట్టాలపై ప్రత్యేక కార్యక్రమాలు కూడా నిర్వహించినట్లు వెల్లడించారు. మిగతా జిల్లాల్లోనూ ఇలాంటి కార్యక్రమాలు చేపట్టితే మహిళల భద్రత మరింత మెరుగుపడుతుంది.
News December 30, 2025
కొత్తగా నాటిన అరటి తోటల్లో కలుపు నివారణ ఎలా?
కొత్తగా నాటిన అరటి తోటల్లో కలుపు నివారణ చాలా ముఖ్యం. దీని కోసం హెక్టారుకు 500 లీటర్ల నీటిలో బుటాక్లోర్ 5L లేదా అలాక్లోర్ 2.5L లేదా పెండిమెథాలిన్ 2.5లీటర్లలో ఏదో ఒక మందును కలిపి నాటిన తర్వాత మొదటి తడి ఇచ్చి నేల తేమగా ఉన్నప్పుడు పిచికారీ చేయాలి. దీని వల్ల కలుపు మొలవకుండా అరికట్టవచ్చు. 100 మైక్రానుల మందం కలిగిన పాలిథీన్ మల్చింగ్ షీటును నేలపై పరచి ఆ తర్వాత మొక్కనాటితే కలుపు సమస్యను అధిగమించవచ్చు.
News December 30, 2025
రష్మిక-విజయ్ దేవరకొండ పెళ్లి డేట్ ఫిక్స్!
రష్మిక, విజయ్ దేవరకొండ కొంతకాలంగా రిలేషన్లో ఉన్నట్లు ప్రచారం జరుగుతున్న సంగతి తెలిసిందే. అక్టోబర్లో వీరి ఎంగేజ్మెంట్ జరిగిందని సినీ వర్గాలు పేర్కొన్నాయి. వచ్చే ఏడాది ఫిబ్రవరి 26న ఈ సెలబ్రిటీలు పెళ్లి చేసుకోనున్నట్లు తాజాగా సోషల్ మీడియాలో ప్రచారం జరుగుతోంది. రాజస్థాన్లోని ఉదయ్పూర్లో సన్నిహితుల సమక్షంలో ఈ వేడుక జరగనుందని సమాచారం. కాగా దీనిపై హీరోహీరోయిన్ నుంచి ఇప్పటివరకు ఎలాంటి ప్రకటన లేదు.