News January 11, 2026
శ్రీశైలంలో సంక్రాంతి ఉత్సవాల ముఖ్య పూజలు ఇవే!
శ్రీశైలంలో 12 నుంచి సంక్రాంతి ఉత్సవాలు జరగనున్నాయి. అందులో భాగంగా 12 నుంచి 18 వరకు జరిగే ముఖ్య పూజా కార్యక్రమాలు ఇవే..
☞ 12న ధ్వజారోహణ ☞ 13న భృంగివాహనసేవ
☞ 14న కైలాసవాహనసేవ ☞ 15 నందివాహన సేవ, బ్రహ్మోత్సవ కళ్యాణం
☞ 16 రావణవాహనసేవ ☞ 17 పూర్ణాహుతి, త్రిశూలస్నానం, సదస్యం, నాగవల్లి, ధ్వజావరోహణ
☞ 18 అశ్వవాహన సేవ, పుష్పోత్సవం, శయనోత్సవం.
★ ఉత్సవాల సందర్భంగా కొన్ని ఆర్జిత సేవల నిలుపుదల
Similar News
News February 16, 2026
చిత్తూరు SP పరిష్కార వేధికకు 36 అర్జీలు
చిత్తూరు జిల్లా పోలీసు కార్యాలయంలో SP తుషార్ డూడీ ఆధ్వర్యంలో ప్రజా సమస్యల పరిష్కారవేదిక కార్యక్రమం సోమవారం జరిగింది. కాగా బాధితుల నుంచి ఎస్పీ అర్జీలు స్వీకరించారు. వివిధ సమస్యలపై 36 ఫిర్యాదులు అందినట్టు వెల్లడించారు. ఇందులో అత్యధికంగా నగదు లావాదేవీలు 6, ఆస్తి తగాదాలు 6, భూతగాదాల ఫిర్యాదులు 17 అందాయన్నారు. వీటిని సత్వరమే పరిష్కరించేలా చర్యలు తీసుకోవాలని ఎస్పీ ఆదేశించారు.
News February 16, 2026
తిరుపతి కలెక్టరేట్కు 443 అర్జీలు.!
తిరుపతి జిల్లా కలెక్టరేట్లో నిర్వహించిన పీజీఆర్ఎస్ కార్యక్రమంలో మొత్తం 443 అర్జీలు అందినట్లు జిల్లా కలెక్టర్ వెంకటేశ్వర్ తెలిపారు. అర్జీదారుల సమస్యలను సకాలంలో పరిష్కరించాలని అధికారులను ఆదేశించారు. అర్జీదారులకు తాగునీరు, మెడికల్ క్యాంప్, టీ వంటి సౌకర్యాలు కల్పించి వారి వినతులను స్వీకరించామన్నారు. శాఖలవారీగా రెవెన్యూ విభాగంలో అత్యధికంగా 280 అర్జీలు వచ్చాయన్నారు.
News February 16, 2026
MBNR: U-17 క్రికెట్ టోర్నీ విజేతగా మహబూబ్నగర్
మహబూబ్ నగర్ జిల్లా జడ్చర్ల మినీ స్టేడియంలో 69వ ఎస్జీఎఫ్ రాష్ట్రస్థాయి అండర్-17 క్రికెట్ బాలుర టోర్నమెంట్ నిర్వహించారు. తెలంగాణ రాష్ట్రంలోని ఉమ్మడి జిల్లాల నుంచి పది జట్లు పాల్గొనగా.. మొదటి స్థానంలో మహబూబ్నగర్, రెండో స్థానంలో ఖమ్మం, రంగారెడ్డి జిల్లా మూడో స్థానంలో నిలిచాయి. గెలిచిన జట్లకు బహుమతులు ప్రదానం చేశారు. ఎంఈఓ మంజులాదేవి, SGF సెక్రటరీ ఆర్.శారదాబాయి, స్థానిక నేతలు, పీడీలు పాల్గొన్నారు.