News September 11, 2024
సంగారెడ్డి: బూత్ లెవెల్ ఏజెంట్లను నియమించుకోవాలి: కలెక్టర్
గుర్తింపు పొందిన రాజకీయ పార్టీలు పోలింగ్ బూత్ లెవెల్ ఏజెంట్లను నియమించుకోవాలని కలెక్టర్ వల్లూరు క్రాంతి అన్నారు. సంగారెడ్డి కలెక్టర్ కార్యాలయంలో రాజకీయ పార్టీల ప్రతినిధులతో బుధవారం సమావేశం నిర్వహించారు. ఆమె మాట్లాడుతూ బిఎల్వోలు ఇంటింటికి తిరిగి యాప్ ద్వారా ఓటర్ల వివరాలను సరి చేస్తున్నారని చెప్పారు. వీరికి పార్టీల ప్రతినిధులు సహకరించాలని కోరారు.
Similar News
News November 17, 2024
MDK: గ్రూప్-3 పరీక్షలు.. ఏర్పాట్లు పూర్తి
ఉమ్మడి మెదక్‌ జిల్లాలో గ్రూప్-3 పరీక్ష నిర్వహణకు అధికార యంత్రాంగం ఏర్పాట్లు పూర్తి చేశారు. MDK జిల్లాలో 5,867 మంది అభ్యర్థులు, 19 కేంద్రాల్లో పరీక్షలు నిర్వహించనున్నారు. సిద్దిపేట జిల్లాలో 13,401 మంది అభ్యర్థులు, 37 కేంద్రాల్లో గ్రూప్-3 పరీక్షకు హాజరుకానున్నారు. సంగారెడ్డి జిల్లాలో 15,123 మంది అభ్యర్థులు 49 పరీక్ష కేంద్రాల్లో హాజరు కానున్నారు. అన్ని పరీక్షా కేంద్రాల వద్ద 144 సెక్షన్‌ అమలు చేశారు.
News November 16, 2024
గజ్వేల్: ‘రేణుకది ఆత్మహత్య కాదు… హత్యే!’
కులాంతర వివాహం చేసుకున్న దళిత యువతి మైసని రేణుకది ఆత్మహత్య కాదని హత్య చేశారనే అనుమానం ఉందని దళిత బహుజన ఫ్రంట్ జాతీయ కార్యదర్శి పి.శంకర్, డిబిఎఫ్ రాష్ట్ర కార్యదర్శి దాసరి ఎగొండ స్వామిలు ఆరోపించారు. రేణుక మరణ విషయం తెలుసుకున్న డీబీఎఫ్ బృందం బాధిత కుటుంబ సభ్యులను శనివారం పరామర్శించారు. రేణుక మృతిపై నిష్పాక్షిక విచారణ చేపట్టాలని డిమాండ్ చేశారు.
News November 16, 2024
BREAKING.. జహీరాబాద్: రోడ్డు ప్రమాదంలో ఇద్దరు మృతి
సంగారెడ్డి జిల్లా జహీరాబాద్ బైపాస్ వద్ద రోడ్డు ప్రమాదం జరిగింది. ఆదర్శనగర్ మలుపు వద్ద కారు కల్వర్టును ఢీకొంది. ఈ ఘటనలో కుత్బుల్లాపూర్‌కు చెందిన సురేశ్, నరసింహారావు స్పాట్‌లో మృతిచెందగా.. మరో ఇద్దరికి గాయాలయ్యాయి. మహారాష్ట్రలోని గానుగాపూర్‌ దర్శనానికి వెళ్లి వస్తుండగా ప్రమాదం చోటుచేసుకుంది. మరిన్ని వివరాలు తెలియాల్సి ఉంది.