News February 27, 2026
సంగారెడ్డి: ‘రోడ్డు ప్రమాదాల నివారణకు సహకరించండి’
సంగారెడ్డి జిల్లాలోని పాఠశాలలు, కళాశాలల్లో రోడ్డు భద్రతపై ప్రత్యేక అవగాహన కార్యక్రమాలు నిర్వహిస్తున్నట్లు ఎస్పీ పరితోష్ పంకజ్ తెలిపారు. వాహనదారులు విధిగా ట్రాఫిక్ నిబంధనలు పాటించాలని, హెల్మెట్, సీట్బెల్ట్ తప్పనిసరిగా ధరించాలని సూచించారు. ప్రమాదాల నివారణకు ప్రతి ఒక్కరూ సహకరించాలని, ముఖ్యంగా రోడ్డుపై పాదచారులకు ప్రాధాన్యత ఇవ్వాలని కోరారు.
Similar News
News February 27, 2026
నిర్మల్: పబ్లిక్ ప్రాసిక్యూటర్లతో ఎస్పీ రివ్యూ సమావేశం
జిల్లా పోలీసు కార్యాలయంలో SP జానకి షర్మిల అధ్యక్షతన పబ్లిక్ ప్రాసిక్యూటర్లతో కలిసి డిస్ట్రిక్ట్ ప్రాసిక్యూటర్ రివ్యూ కమిటీ సమావేశం నిర్వహించారు. గ్రేవ్ కేసుల్లో కోర్టులలో వచ్చిన అక్విటల్ తీర్పులపై సమగ్రంగా సమీక్ష చేపట్టారు. కేసులు అక్విటల్ కావడానికి గల కారణాలు, దర్యాప్తు లోపాలు, సాక్ష్యాధారాల సమర్పణలో ఉన్న సమస్యలు, సాక్షుల హాజరు తదితర అంశాలపై చర్చించారు. అనంతరం వారిని సన్మానించారు.
News February 27, 2026
నిర్మల్: ‘మార్చి 4లోపు దరఖాస్తు చేసుకోండి’
జిల్లాలోని కేజీబీవీలలో ఖాళీగా ఉన్న ఏఎన్ఎం, అకౌంటెంట్ పోస్టుల భర్తీకి నిరుద్యోగ మహిళ అభ్యర్థుల నుంచి దరఖాస్తులను ఆహ్వానిస్తున్నట్లు డీఈవో భోజన తెలిపారు. ఏఎన్ఎం పోస్టు బైంసాలో, అకౌంటెంట్లు ఖానాపూర్, దస్తురాబాద్లో ఒక్కో పోస్టు ఖాళీగా ఉందని, రోస్టర్ ప్రాతిపదికన నియామకం జరుగుతుందని పేర్కొన్నారు. అర్హత, ఆసక్తి గల అభ్యర్థులు స్థానిక ఎంఈఓ కార్యాలయాల్లో మార్చి 4లోపు దరఖాస్తు చేసుకోవాలని తెలిపారు.
News February 27, 2026
ఆదిలాబాద్: నేర నియంత్రణకు సమన్వయ చర్యలు: ఎస్పీ
ఆదిలాబాద్ జిల్లాలో శాంతిభద్రతల పరిరక్షణకు సీసీ కెమెరాల ఏర్పాటు, గ్రామస్థాయి సమాచార వ్యవస్థ బలోపేతంపై ప్రత్యేక దృష్టి సారించాలని ఎస్పీ అఖిల్ మహాజన్ సూచించారు. పెండింగ్ కేసులను వేగవంతంగా పూర్తి చేసి ఛార్జిషీట్లు దాఖలు చేయాలని ఆదేశించారు. గంజాయి నిర్మూలన, రోడ్డు ప్రమాదాల నివారణ, మహిళలు-చిన్నారుల రక్షణలో కట్టుదిట్టమైన చర్యలు తీసుకోవాలన్నారు. పోలీస్ అక్క-ఖాకీ కిడ్స్ ద్వారా అవగాహన పెంచాలని ఆదేశించారు.