News March 23, 2026
సంగారెడ్డి: 19 PHCల్లో డిజిటల్ హెల్త్ ప్రొఫైల్
రోగుల ఆరోగ్య వివరాలన్నీ డిజిటలైజ్ చేసేందుకు వీలుగా సంగారెడ్డి పట్టణంలోని ఇందిరా కాలనీ ప్రాథమిక ఆరోగ్య కేంద్రంలో డిజిటల్ హెల్త్ ప్రొఫైల్ను కలెక్టర్ ప్రావీణ్య సోమవారం ప్రారంభించారు. జిల్లాలోని 19 ఆరోగ్య కేంద్రాల్లో దీనిని ప్రయోగాత్మకంగా అమలు చేస్తున్నట్లు తెలిపారు. రోగుల చికిత్స వివరాలు ఇందులో భద్రపరుస్తారని పేర్కొన్నారు. కార్యక్రమంలో జిల్లా వైద్యాధికారి డాక్టర్ వసంత రావు పాల్గొన్నారు.
Similar News
News April 13, 2026
5 కేజీల సిలిండర్ల సరఫరా పెంపు
గ్యాస్ కొరతను నివారించేందుకు కేంద్రం 5 కేజీల LPG సిలిండర్ల సరఫరాను భారీగా పెంచింది. మార్చి 23 నుంచి 13 లక్షలకు పైగా సిలిండర్లను అమ్మింది. ప్రస్తుతం రోజువారీ సేల్స్ లక్ష యూనిట్లను దాటాయి. ఎక్కువగా వలస కార్మికులు వీటిని కొంటున్నారు. మరోవైపు మార్చి నుంచి 4.24 లక్షల PNG కనెక్షన్లను ప్రభుత్వం యాక్టివేట్ చేసింది. డొమెస్టిక్ LPG సరఫరా స్థిరంగా కొనసాగుతోంది. ఈ నెల 11న 52 లక్షల సిలిండర్లు డెలివరీ అయ్యాయి.
News April 13, 2026
మెదక్: RJCలో 100% ఉత్తీర్ణత.. స్టేట్ టాపర్ శ్రావణి
మెదక్ TSRJC విద్యార్థులు ఇంటర్ ఫలితాల్లో 100 శాతం ఉత్తీర్ణతతో రికార్డు సృష్టించారు. పరీక్షలకు హాజరైన మొత్తం 68 మంది విద్యార్థినులు ఉత్తీర్ణులయ్యారు. వీరిలో మన్నే శ్రావణి ఎంపీసీ విభాగంలో 992/1000 మార్కులు సాధించి రాష్ట్ర స్థాయి టాపర్గా నిలిచింది. విద్యార్థుల అద్భుత ప్రతిభపై అధికారులు, టీచర్లు హర్షం వ్యక్తం చేస్తూ ప్రత్యేకంగా అభినందించారు. ప్రభుత్వ విద్యాలయాల ఖ్యాతిని శ్రావణి మరోసారి చాటిచెప్పింది.
News April 13, 2026
కృష్ణా యూనివర్సిటీ విద్యార్థులకు అలర్ట్
కృష్ణా యూనివర్సిటీ(KRU) పరిధిలోని కళాశాలల్లో FEB 2026లో నిర్వహించిన BA.LLB 7వ సెమిస్టర్ రెగ్యులర్ & సప్లిమెంటరీ పరీక్షల(2025- 26 విద్యా సంవత్సరం) రీ వాల్యుయేషన్ నోటిఫికేషన్ విడుదలైంది. ఈ పరీక్షలకు సంబంధించి రీ వాల్యుయేషన్ కోరుకునే విద్యార్థులు ఏప్రిల్ 20లోపు ఒక్కో పేపరుకు రూ.900 ఫీజు http://www.onlinesbi.com/ వెబ్సైట్లో చెల్లించాల్సి ఉంటుందని KRU పరీక్షల విభాగం సూచించింది.