News February 16, 2026
సంచలనం.. మెట్పల్లి మున్సిపల్ ఛైర్మన్గా లింబాద్రి
జగిత్యాల జిల్లా మెట్పల్లి మున్సిపాలిటీలో సంచలన పరిణామం చోటుచేసుకుంది. 26 వార్డులు గల మున్సిపాలిటీలో 6 సీట్లు మాత్రమే గెలుచుకున్న కాంగ్రెస్ పార్టీ ఛైర్మన్ పీఠాన్ని దక్కించుకోవడం చర్చనీయాంశంగా మారింది. స్వతంత్ర కౌన్సిలర్లు నలుగురు, బీజేపీకి చెందిన ఒక సభ్యుడు మద్దతు తెలపడంతో కాంగ్రెస్ అభ్యర్థి మైలారపు లింబాద్రి మున్సిపల్ ఛైర్మన్గా ఎన్నికయ్యారు. వైస్ ఛైర్మన్గా ఓంకారి నవీన్ ఎన్నికయ్యారు.
Similar News
News February 17, 2026
అప్పుడు క్లీన్స్వీప్.. ఇప్పుడు జీరో!
TG: సర్పంచ్ ఎన్నికల్లో కాస్త సత్తా చాటిన BRS మున్సిపల్ ఎన్నికల్లో చతికిలపడింది. 7 కార్పొరేషన్లలో ఒక్క చోట కూడా మేయర్ <<19160296>>పదవి<<>> దక్కించుకోలేకపోయింది. 2020లో ఆ పార్టీ పదికి పది కార్పొరేషన్లు సొంతం చేసుకోవడం గమనార్హం. అటు 116 మున్సిపాలిటీల్లో 18 చోట్ల మాత్రమే ఛైర్మన్ పీఠం కైవసం చేసుకుంది. ఇందులోనూ 13 స్థానాల్లో పూర్తి మెజార్టీ ఉండగా మిగతా 5 చోట్ల కాంగ్రెస్, ఇతరులతో పొత్తు పెట్టుకొని పదవులు దక్కించుకుంది.
News February 17, 2026
‘కుతల ఆర్భాటమే కానీ కుప్పలో గింజలు లేవు’
కొందరు వ్యక్తులు తమకు అన్నీ తెలుసని, తాము చాలా గొప్పవారమని గంభీరమైన మాటలు చెబుతుంటారు. కానీ పని అప్పగిస్తే ఏమీ చేయలేరు. అలాగే పెద్ద కుప్పలా ఉన్న ధాన్యాన్ని గాలికి ఎగబోసేటప్పుడు అందులో నుంచి శబ్ధం(కుతల) వస్తుంది. తీరా చూస్తే అందులో అసలైన గింజలు (ధాన్యం) లేకుండా, కేవలం పొట్టు లేదా తాలు మాత్రమే ఉంటే “వట్టి కుతల ఆర్భాటమే తప్ప, కుప్పలో గింజలు లేవు” అనే సామెతను రైతులు వాడుతుంటారు.
News February 17, 2026
అధిక మాసం ఎలా ఏర్పడుతుందో తెలుసా?
భూమి సూర్యుని చుట్టూ తిరగడానికి 365.25 రోజులు పడుతుంది. అయితే చంద్రుని గమనం ఆధారంగా 12 మాసాలకు 354 రోజులు పడుతుంది. ఈ రెండింటి మధ్య ఏటా వచ్చే 11 రోజుల తేడాను సవరించడానికి ప్రతి మూడేళ్లకు ఓసారి ఓ నెలను అదనంగా కలుపుతారు. దీనినే అధిక మాసం అంటారు. ఏ మాసంలో అయితే సూర్య సంక్రమణం జరగదో ఆ నెలను అధిక మాసంగా పరిగణిస్తారు. ఇది పండుగలు, రుతువుల క్రమం తప్పకుండా ఉండటానికి సహాయపడుతుంది.