News December 21, 2025
సమస్త శక్తులకు మూలపురుషుడు ‘శివుడు’
‘ఓం ప్రభవే నమః’ – శివుడు సమస్త లోకాలకు, శక్తులకు మూలపురుషుడు. సర్వాధిపతి కూడా! ఆయన ఆజ్ఞ లేనిదే అణువు కూడా కదలదు. సృష్టి, స్థితి, లయకారక శక్తులన్నీ ఆయన నుంచే ఉద్భవిస్తాయి. అత్యంత సమర్థుడు, ఐశ్వర్యవంతుడైన ఆయన మన కష్టాలు తీర్చి, సన్మార్గాన్ని చూపుతాడు. అంతులేని అధికారమున్నా.. తనను నమ్మిన వారిపై అపారమైన కరుణ చూపుతాడు. మన జీవితాలను నడిపించే ఆ సర్వవ్యాపక శక్తికి ఈ నామం గొప్ప ప్రణామం. <<-se>>#SHIVANAMAM<<>>
Similar News
News December 24, 2025
క్రిస్మస్కు స్టార్ ఎందుకు పెడతారంటే?
క్రిస్మస్కు ఇంటికి/క్రిస్మస్ ట్రీపై స్టార్ పెడుతుంటారు. ఇది అలంకారం కోసం కాదు. బైబిల్ ప్రకారం యేసు జన్మించినప్పుడు ఆకాశంలో ఒక పెద్ద నక్షత్రం కనిపించింది. అది ఆయన జన్మించిన ప్రాంతాన్ని సూచిస్తుందని నమ్ముతారు. ముగ్గురు జ్ఞానులకు అది మార్గదర్శకంగా నిలిచిందని చెబుతారు. వారు నక్షత్రాన్ని అనుసరించి యేసు జన్మించిన ప్రాంతానికి చేరుకున్నారు. అలా ఇంటికి దైవ ఆశీస్సులు రావాలని కోరుకుంటూ స్టార్ను పెడతారు.
News December 24, 2025
హెయిర్ స్టైలింగ్ చేస్తున్నారా?
హెయిర్ స్టైలింగ్ టూల్స్ ఎక్కువగా వాడటం వల్ల జుట్టు కుదుళ్లు దెబ్బతినడం, పొడిబారడం, తెగిపోవడం వంటివి జరుగుతాయిని నిపుణులు హెచ్చరిస్తున్నారు. ఇలా కాకుండా ఉండాలంటే ఈ ప్యాక్స్ పాటించండి. * చల్లార్చిన టీ డికాషన్ను జుట్టుకు పట్టించి టవల్తో చుట్టేయాలి. పావుగంట కడిగేస్తే సరిపోతుంది. * తలస్నానం తర్వాత కండిషనర్, ఎప్సం సాల్ట్ కలిపి తలకు పట్టించాలి. 10 నిమిషాల తర్వాత కడిగేస్తే జుట్టు మృదువుగా అవుతుంది.
News December 24, 2025
వేప చెట్లు ఎందుకు నిర్జీవంగా కనిపిస్తున్నాయి?
పంటలను చీడపీడల నుంచి కాపాడే వేప చెట్లే తెగుళ్ల బారినపడటం కలవరపెడుతోంది. తెలుగు రాష్ట్రాల్లో అనేక చోట్ల వేప చెట్ల కొమ్మలు, రెమ్మలు మాడి నిర్జీవంగా కనిపిస్తున్నాయి. ఫోమోప్సిస్ అజాడిరక్టే ఫంగస్ వల్లే ఇలా జరుగుతున్నట్లు వ్యవసాయ నిపుణులు తెలిపారు. ఇది ఒక చెట్టు నుంచి మరో చెట్టును ఆశిస్తోంది. అయితే ఇది ఏడాదిలో కొంతకాలం పాటే చెట్లకు సోకుతుందని, మళ్లీ ఈ చెట్లు కోలుకొని మళ్లీ పచ్చగా మారతాయని చెబుతున్నారు.