News February 6, 2026
సిద్దిపేట: ఓపెన్ వర్సిటీ డిగ్రీ పరీక్షలు రీషెడ్యూల్
మున్సిపల్ ఎన్నికల కారణంగా అంబేద్కర్ ఓపెన్ యూనివర్సిటీ డిగ్రీ(CBCS) 1, 3, 5 సెమిస్టర్ పరీక్షల తేదీలను మార్చినట్లు రీజినల్ కో-ఆర్డినేటర్ శ్రద్ధానందం తెలిపారు. సెమ్-5 పరీక్షలు ఈనెల 17 నుంచి 22 వరకు, సెమ్-3 పరీక్షలు 24 నుంచి మార్చి 2 వరకు, సెమ్-1 పరీక్షలు మార్చి 4 నుంచి 10 వరకు రీషెడ్యూల్ చేసినట్లు చెప్పారు. విద్యార్థులు హాల్టిక్కెట్లను వర్సిటీ అధికారిక వెబ్సైట్ నుంచి డౌన్లోడ్ చేసుకోవాలన్నారు.
Similar News
News February 23, 2026
ఏపీ పోలీసులపై పట్నా హైకోర్టు ఆగ్రహం
IPS సునీల్ కుమార్ నాయక్ అరెస్ట్ విషయంలో AP పోలీసుల తీరుపై పట్నా హైకోర్టు ఆగ్రహం వ్యక్తం చేసింది. బిహార్ పోలీసులకు ముందస్తు సమాచారం ఇవ్వకుండా, అరెస్ట్ వారెంట్ లేదా కేస్ డైరీ వెంట లేకుండా సునీల్ను అరెస్ట్ చేయడాన్ని తప్పుపట్టింది. ఈ నేపథ్యంలో ట్రాన్సిట్ రిమాండ్ ఇచ్చేందుకు నిరాకరించింది. దీంతో ఆయన అరెస్ట్ చెల్లదు. కాగా రఘురామకృష్ణరాజు కస్టోడియల్ టార్చర్ కేసులో సునీల్ నిందితుడిగా ఉన్నారు.
News February 23, 2026
ఇంటర్ పరీక్షలు ప్రశాంతంగా నిర్వహించాలి : కలెక్టర్
ఈ నెల 25 నుంచి ప్రారంభం కానున్న ఇంటర్మీడియట్ పరీక్షలను పకడ్బందీగా నిర్వహించాలని కలెక్టర్ రాహుల్ రాజ్ అధికారులను ఆదేశించారు. జిల్లావ్యాప్తంగా 28 కేంద్రాల్లో 12,334 మంది విద్యార్థులు పరీక్షలకు హాజరుకానున్నారు. అన్ని కేంద్రాల్లో సీసీ కెమెరాలు ఏర్పాటు చేసి నిరంతరం పర్యవేక్షించాలని సూచించారు. ప్రశ్నాపత్రాల లీకేజీకి తావులేకుండా జాగ్రత్తలు తీసుకోవాల స్పష్టం చేశారు.
News February 23, 2026
శ్రీరామనవమి ఏర్పాట్లపై రేపు సమీక్ష
వచ్చే నెల 27, 28 తేదీల్లో జరిగే శ్రీసీతారామచంద్రస్వామి వారి కళ్యాణం, పట్టాభిషేక వేడుకల ఏర్పాట్లపై కలెక్టర్ జితేష్ వి పాటిల్ మంగళవారం సమీక్ష నిర్వహించనున్నారు. భద్రాచలం సబ్ కలెక్టర్ కార్యాలయంలో జిల్లా స్థాయి అధికారులతో సమావేశం కానున్నారు. భక్తులకు కల్పించాల్సిన వసతి సౌకర్యాలపై సమగ్ర సమాచారంతో హాజరుకావాలని అధికారులను ఆదేశించారు. వేడుకలను నిర్వహించేందుకు ముందస్తు ప్రణాళికలు సిద్ధం చేయాలని సూచించారు.