News February 5, 2026
సిద్దిపేట: కమిషనరేట్ పోలీస్ యాక్ట్ అమలు
సిద్దిపేట పోలీస్ కమిషనరేట్ పరిధిలో ఈనెల 7 నుంచి 22 వరకు సిటీ పోలీస్ యాక్ట్ అమలులో ఉంటుందని సీపీ రష్మీ పెరుమాళ్ తెలిపారు. అనుమతి లేకుండా ధర్నాలు, ర్యాలీలు, సభలు నిర్వహించడం నిషిద్ధమన్నారు. నిబంధనలు ఉల్లంఘిస్తే కఠిన చర్యలు తీసుకుంటామని హెచ్చరించారు. అత్యవసర కార్యక్రమాలకు ముందస్తు అనుమతి తప్పనిసరి అని స్పష్టం చేశారు. శాంతిభద్రతల పరిరక్షణకు ప్రజలు సహకరించాలని కోరారు.
Similar News
News February 14, 2026
వరంగల్: ఓడలు బండ్లు.. బండ్లు ఓడలంటే ఇదేనేమో!
మున్సిపల్ ఎన్నికల్లో ఓరుగల్లు జిల్లాలో గమ్మత్తు ఫలితాలు కనిపించాయి. గులాబీ కంచుకోటను హస్తంతో పెకలించింది. 2020లో 9 మున్సిపాలిటీలకు ఎన్నికలు జరిగితే BRS క్లీన్ స్వీప్ చేసింది. 200 వార్డులకు ఎన్నికలు జరిగితే 134 వార్డుల్లో BRS, 33 వార్డుల్లో కాంగ్రెస్, BJP 9, CPM 2 వార్డులను, ఇతరులు 14 గెలుపొందారు. 2026 ఎన్నికల్లో 140 కాంగ్రెస్, 88 BRS, 8 BJP, CPM 5, ఇతరులు 15 విజయం సాధించారు.
News February 14, 2026
నంది వాహనంపై కీసరకు శివయ్య ప్రయాణం
మహాశివరాత్రి బ్రహ్మోత్సవాలలో భాగంగా కీసరగుట్ట శ్రీ భవాని రామలింగేశ్వర స్వామి ఉత్సవమూర్తి నంది వాహనంపై కీసరకు వేంచేశారు. ఇది తరతరాల నుంచి వస్తున్న ఆనవాయితీ అని నిర్వాహకులు తెలిపారు. శుక్రవారం రాత్రి కీసరగుట్ట నుంచి పోలీసు బందోబస్తు నడుమ డప్పు చప్పుళ్లతో ముదిరాజ్ కులస్థులు తమ భుజాలపై హర హర మహాదేవ అంటూ..స్వామి వారిని కీసరగుట్ట నుంచి నడక దారిలో కీసరకు తీసుకువచ్చారు.
News February 14, 2026
ఈ నెల 19 నుంచి పెళ్లి ముహూర్తాలు మొదలు
తెలుగు రాష్ట్రాల్లో పెళ్లిళ్ల సందడి నెలకొననుంది. ఈ నెల 17తో శుక్ర మౌఢ్యమి ముగియడంతో 19 నుంచి పెళ్లి ముహూర్తాలు మొదలుకానున్నట్లు పండితులు తెలిపారు. *ఫిబ్రవరి: 19, 20, 21, 24, 25, 26 *మార్చి: 1, 3, 4, 7, 8, 9, 11, 12 *ఏప్రిల్: 15, 20, 21, 25, 26, 27, 28, 29 *మే: 1, 3, 5, 6, 7, 8, 13, 14 *జూన్: 21, 22, 23, 24, 25, 26, 27, 29 *జులై: 1, 6, 7, 11 *నవంబర్: 21, 24, 25, 26 *డిసెంబర్: 2, 3, 4, 5, 6, 11, 12.