News August 30, 2025
సిద్దిపేట: శేరిపల్లి పాఠశాలకు రాష్ట్రస్థాయి గుర్తింపు
దౌల్తాబాద్‌ మండలం శేరిపల్లిలోని ప్రాథమిక పాఠశాలకు రాష్ట్రస్థాయి గుర్తింపు లభించింది. ఎస్‌సీఈఆర్‌టీ ప్రచురించిన ‘ట్రైల్ బ్లేజర్స్’ అనే పుస్తకంలో ఈ పాఠశాల గురించి ఓ కథనం వచ్చింది. పాఠశాల టీచర్ బి.రవి రాసిన ‘పాఠశాల సమావేశాల్లో తల్లిదండ్రులను సులభంగా పాల్గొనేలా చేయొచ్చు’ అనే కథనానికి పేజీ నంబర్లు 277, 281లో చోటు దక్కింది. తల్లిదండ్రులు, టీచర్లు, దాతల సహకారంతోనే ఈ గుర్తింపు సాధ్యమైందని రవి తెలిపారు.
Similar News
News August 30, 2025
వారికి పదవీ విరమణ వయసు పెంపు ఫేక్: ఏపీ ఫ్యాక్ట్ చెక్
AP: పబ్లిక్ సెక్టార్ పరిధిలోని కంపెనీలు/కార్పోరేషన్లు/సొసైటీలలో పనిచేసే ఉద్యోగుల పదవీ విరమణ వయసు 62 నుంచి 65 ఏళ్లకు పెంచుతున్నట్లు ప్రచారంలో ఉన్న GO ఫేక్ అని ఏపీ ఫ్యాక్ట్ చెక్ స్పష్టం చేసింది. వాస్తవ జీవోలో పదవీ విరమణ వయసు 60 నుంచి 62 ఏళ్లకు పెంచుతున్నట్లు ఉందని క్లారిటీ ఇచ్చింది. దురుద్దేశంతో కొందరు వ్యక్తులు తప్పుడు ప్రచారం చేస్తున్నారని, వారిని గుర్తించి కఠిన చర్యలు తీసుకుంటామని హెచ్చరించింది.
News August 30, 2025
KMR: జిల్లాలో రూ.130.37 కోట్ల వరద నష్టం అంచనా
ఇటీవల కామారెడ్డి జిల్లాలో సంభవించిన భారీ వర్షాలు, వరదల వల్ల జరిగిన నష్టంపై ప్రాథమిక అంచనా నివేదిక శుక్రవారం విడుదలైంది. జిల్లా యంత్రాంగం సేకరించిన సమాచారం ప్రకారం, మొత్తం నష్టం రూ.130.37 కోట్లుగా అంచనా వేయబడింది. దీనిలో తక్షణ మరమ్మతులకు రూ.22.47 కోట్లు అవసరమని పేర్కొంది. క్షేత్రస్థాయిలో పూర్తిస్థాయి పరిశీలన తర్వాత నష్టం అంచనా మరింత పెరిగే అవకాశం ఉందని అధికారులు పేర్కొన్నారు.
News August 30, 2025
2.2 లక్షల ఎకరాల్లో పంట నష్టం: అధికారులు
TG: భారీ వర్షాలు, వరదలకు రాష్ట్రంలో 2.2 లక్షల ఎకరాల్లో పంట నష్టం వాటిల్లినట్లు ప్రాథమిక అంచనా వేశామని వ్యవసాయ శాఖ అధికారులు తెలిపారు. అత్యధికంగా కామారెడ్డిలో 77వేల ఎకరాలు, మెదక్‌లో 23వేలు, ADBలో 21 వేలు, NZBలో 18వేలు, ఆసిఫాబాద్‌లో 15వేల ఎకరాల్లో పంట నష్టపోయినట్లు వెల్లడించారు. ఇందులో 1.09 ఎకరాల్లో వరి, 60,080 ఎకరాల్లో పత్తి, 6,751 ఎకరాల్లో సోయాబీన్ పంటలకు నష్టం వాటిల్లినట్లు పేర్కొన్నారు.