News December 20, 2025
సిరిసిల్ల: ‘ఆయిల్ పామ్ సాగు విస్తీర్ణం పెంచేందుకు కృషి చేయాలి’
జిల్లాలో ఆయిల్ పామ్ సాగు విస్తీర్ణం పెంచేందుకు కృషి చేయాలని జిల్లా ఇన్చార్జి కలెక్టర్ గరీమా అగ్రవాల్ సూచించారు. రైతులను కలిసి ఆయిల్ పామ్ సాగుతో లాభాలను వివరించాలని, సబ్సిడీలు, ప్రోత్సాహకాలు, మద్దతు ధర గురించి వారికి తెలియజేయాలని వ్యవసాయ అధికారులను ఆదేశించారు. జిల్లాలో ఇప్పటికే సాగులో ఉన్న పంటను ఇతర రైతులకు చూపించాలని సూచించారు. జిల్లా వ్యవసాయ అధికారి అఫ్జల్ బేగం తదితరులు పాల్గొన్నారు.
Similar News
News December 21, 2025
మంచిర్యాల: 3,700 కేసులు పరిష్కారం
మంచిర్యాల జిల్లాలోని అన్ని న్యాయస్థానాలలో ఆదివారం జాతీయ లోక్ అదాలత్ నిర్వహించారు. జిల్లా వ్యాప్తంగా 9 లోక్ అదాలత్ బెంచ్లలో 3,700 కేసులు పరిష్కరించినట్లు జిల్లా అదనపు న్యాయమూర్తి లాల్ సింగ్ శ్రీనివాస నాయక్ తెలిపారు. 15 సివిల్ ధావాలు, 5 వాహన పరిహారం, 3, 650, క్రిమినల్, 33 సైబర్ క్రైమ్, 75 ప్రీలిటిగేషన్ కేసులు పరిష్కారమయ్యాయని వెల్లడించారు.
News December 21, 2025
బీజేపీకి భారీగా విరాళాలు
2024-25లో రాజకీయ పార్టీలకు ₹3,811 కోట్ల డొనేషన్లు వచ్చాయి. దేశవ్యాప్తంగా 9 ఎలక్టోరల్ ట్రస్టుల ద్వారా ఇవి అందాయి. బీజేపీకి ఏకంగా ₹3,112 కోట్లు (82%) రావడం గమనార్హం. కాంగ్రెస్కు ₹299 కోట్లు(8%), ఇతర పార్టీలకు ₹400 కోట్లు (10%) వచ్చాయి. పార్టీలకు ఎలక్టోరల్ బాండ్ల రూపంలో విరాళాలివ్వడాన్ని సుప్రీంకోర్టు గతేడాది రద్దు చేసిన విషయం తెలిసిందే. 2023-24లో ₹1,218 కోట్ల విరాళాలు వచ్చాయి.
News December 21, 2025
MHBD: ఈనెల 22 నుంచి నట్టల నివారణ మందు పంపిణీ
జీవాల్లో అధిక మాంస ఉత్పత్తి లక్ష్యంగా ఈనెల 22 నుంచి 31 వరకు అన్ని మండలాల్లో గొర్రెలకు, మేకలకు నట్టల నివారణ మందు కార్యక్రమాన్ని చేపట్టనున్నట్లు జిల్లా పశువైద్యాధికారి డా.కిరణ్ కుమార్ తెలిపారు. నట్టలనివారణ మందును తాగిపిస్తే జీవాల్లో వ్యాధి నిరోధక శక్తి పెరిగి, జీవాలు ఆరోగ్యంగాను, సకాలంలో అధిక బరువు తూగుతాయని తెలిపారు.