News December 28, 2025
సిరిసిల్ల: ‘కలెక్టరేట్లో ప్రజలను ఆకర్షిస్తున్న ఫ్లెక్సీ’
రాజన్న సిరిసిల్ల జిల్లా కలెక్టరేట్ కార్యాలయ ఆవరణలో ‘నిజమైన హీరోలు లంచం ఇవ్వరు’ అనే ఫ్లెక్సీ వెలిసింది. ఇటీవల ప్రభుత్వ అధికారులు లంచం తీసుకుంటూ పట్టుబడుతున్న క్రమంలో ఏసీబీ ఆధ్వర్యంలో కలెక్టరేట్ ప్రధాన ద్వారం ముందు ఏర్పాటు చేసిన ఫ్లెక్సీ, కార్యాలయానికి వచ్చే ప్రజలను ఆకర్షిస్తుంది. అధికారులు లంచం అడిగితే 1064 నంబర్ను సంప్రదించాలని ఫ్లెక్సీలో పేర్కొన్నారు.
Similar News
News December 28, 2025
కామారెడ్డి జిల్లాలో గ్రామ పాలన ఆఫీసర్స్ కమిటీ ఎన్నిక
గ్రామ పాలన ఆఫీసర్స్ తెలంగాణ రాష్ట్ర కమిటీ ఆదేశాల మేరకు రాష్ట్ర అధ్యక్షుడు గరికె ఉపేందర్ పిలుపుతో కామారెడ్డి జిల్లా కమిటీ ఎన్నికలు నిర్వహించారు. రాష్ట్ర అసోసియేట్ అధ్యక్షుడు ముదం చిరంజీవి ఆధ్వర్యంలో ఓటింగ్ విధానంలో కమిటీని ఎన్నుకున్నారు. జిల్లా అధ్యక్షునిగా వెంకటేశ్ ఎన్నికయ్యారు. కొత్త కమిటీ జిల్లా స్థాయిలో గ్రామ పాలన ఆఫీసర్ల సమస్యల పరిష్కారానికి పనిచేయనుంది.
News December 28, 2025
కామారెడ్డి: ఫిబ్రవరిలో జనసేన క్రియాశిలక సభ్యత్వాలు
కామారెడ్డి దేవి విహార్లో జనసేన జిల్లా కార్యకర్తల సమావేశం నిర్వహించారు. పార్టీ బలోపేతానికి కృషి చేయాలని జీవన్ నాయక్ పిలుపునిచ్చారు. ఫిబ్రవరిలో క్రియాశీలక సభ్యత్వాలు నిర్వహించాలని రవీందర్ చౌహన్ సూచించారు. ఈ కార్యక్రమంలో సాయి కృష్ణ, కృష్ణ స్వామి, సుకదేవ్, కార్యకర్తలు పాల్గొన్నారు.
News December 28, 2025
భారత్ ఖాతాలో మరో విజయం
శ్రీలంక ఉమెన్స్తో జరుగుతున్న 5 T20ల సిరీస్లో భారత్ జైత్రయాత్ర కొనసాగుతోంది. తాజాగా జరిగిన 4వ T20లో IND 30 రన్స్ తేడాతో గెలిచింది. 222 రన్స్ టార్గెట్తో బరిలోకి దిగిన SL 20 ఓవర్లలో 191/6 రన్స్కే పరిమితమైంది. ఓపెనర్లు ఆటపట్టు(52), పెరెరా(33) దూకుడుగా ఆడినా వారు ఔటయ్యాక రన్రేట్ పెరిగిపోవడంతో ఓటమిపాలైంది. IND బౌలర్లలో అరుంధతి, వైష్ణవి చెరో 2 వికెట్లు తీశారు. సిరీస్లో IND 4-0 లీడ్ సాధించింది.