News October 27, 2025
సిరిసిల్ల: జిల్లాలోని 48 దుకాణాలకు లక్కీ డ్రా
జిల్లాలోని మొత్తం 48 మద్యం దుకాణాలకు లక్కీడ్రా తీసి వారి నంబర్ వచ్చిన వారికి కేటాయించినట్లు సిరిసిల్ల ఇన్చార్జ్ కలెక్టర్ గరీమ అగర్వాల్ తెలిపారు. సిరిసిల్లలోని కలెక్టరేట్లో మద్యం దుకాణాల లక్కీడ్రాను సోమవారం నిర్వహించామన్నారు. జిల్లాలోని మొత్తం 48 మద్యం దుకాణాలకు, గౌడ్లకు 4, SCలకు 5 కేటాయించమన్నారు. మొత్తం 48 దుకాణాలకు 1381 దరఖాస్తులు వచ్చాయన్నారు. డిసెంబర్ 1 నుంచి నూతన దుకాణాలు ప్రారంభమవుతాయన్నారు.
Similar News
News October 27, 2025
NGKL: పారదర్శకంగా కొనసాగిన మద్యం దుకాణాల కేటాయింపు
జిల్లాలో మద్యం దుకాణాల కేటాయింపు ప్రశాంత వాతావరణంలో పారదర్శకంగా కొనసాగిందని కలెక్టర్ బాదావత్ సంతోష్ తెలిపారు. కలెక్టర్ కార్యాలయంలోని ప్రజావాణి సమావేశ మందిరంలో సోమవారం నిర్వహించిన మద్యం దుకాణాల కేటాయింపు ప్రక్రియ ఉదయం 11 గంటలకు ప్రారంభించినట్లు తెలిపారు. 67 దుకాణాలకు గాను మొత్తం 1518 దరఖాస్తులు రావడంతో దరఖాస్తుదారుల సమక్షంలో మద్యం దుకాణాల కేటాయింపు జరిగిందని తెలిపారు.
News October 27, 2025
ఇంటర్మీడియట్ పరీక్ష ఫీజు గడువు పొడిగింపు
AP: ఇంటర్మీడియట్ ఎగ్జామ్స్(మార్చి 2026) ఫస్టియర్, సెకండియర్ పరీక్షల ఫీజు చెల్లింపు గడువును ఈనెల 31 వరకు పొడిగిస్తున్నట్లు బోర్డు కార్యదర్శి భరత్ గుప్తా పేర్కొన్నారు. ఈనెల 22తో ఆ గడువు ముగియగా తాజాగా పొడిగించారు. లేటు ఫీజు రూ.1,000తో నవంబర్ 6వ తేదీవరకు చెల్లించవచ్చని వివరించారు. మరోసారి ఫీజు చెల్లింపు గడువు పొడిగించేది లేదని స్పష్టం చేశారు.
News October 27, 2025
అల్లూరి: తుఫాను ఎదుర్కొనేందుకు సర్వం సిద్ధం
మొంథా తుఫానును ఎదుర్కొనడానికి జిల్లా యంత్రాంగం సిద్ధంగా ఉందని కలెక్టర్ దినేశ్ కుమార్ సోమవారం తెలిపారు. ముఖ్యమంత్రి ఆదేశాలకు అనుగుణంగా జిల్లా స్థాయి నుంచి గ్రామ స్థాయి వరకు అప్రమత్తంగా ఉన్నామన్నారు. రేపు తుఫాన్ కాకినాడ వద్ద తీరాన్ని తాకే అవకాశం ఉందన్నారు. ఈ నేపథ్యంలో వరుసగా మూడు రోజులు భారీ వర్షాలు, ఈదురుగాలులు వీచే అవకాశం ఉందని వెల్లడించారు. అధికారులు ఇచ్చే సూచనలు పాటిస్తూ ప్రజలు సహకరించాలన్నారు.