News January 20, 2026
సిరిసిల్ల: జిల్లా విద్యాశాఖ అధికారిగా జగన్మోహన్ రెడ్డి
సిరిసిల్ల జిల్లా విద్యాశాఖ అధికారిగా జగన్మోహన్ రెడ్డిని నియమిస్తూ రాష్ట్ర విద్యాశాఖ డైరెక్టర్ నవీన్ నికోలస్ ఉత్తర్వులు జారీ చేశారు. కరీంనగర్ ప్రభుత్వ జిల్లా విద్యా శిక్షణ సంస్థలో లెక్చరర్గా పని చేస్తున్న జగన్మోహన్ రెడ్డికి జిల్లా విద్యాశాఖ అధికారిగా పూర్తి బాధ్యతలు అప్పగించారు. ఈ ఆదేశాలు తక్షణమే అమల్లోకి వస్తాయని ఉత్తర్వుల్లో పేర్కొన్నారు.
Similar News
News January 27, 2026
మహిళలూ బంగారం జాగ్రత్త!
TG: రాష్ట్రంలో తరచుగా ఏదో ఒక చోట చైన్ స్నాచింగ్లు జరుగుతున్నాయి. ఒంటరిగా ఉన్న మహిళలను దొంగలు టార్గెట్ చేస్తున్నారు. బంగారం లాక్కొని పారిపోతున్నారు. దీంతో గోల్డ్ ధరించి బయటికి రావాలంటే భయపడాల్సిన పరిస్థితి ఉంది. సంక్రాంతి తర్వాత HYD పరిధిలో 8 చైన్ స్నాచింగ్లు జరిగాయి. జగిత్యాల, NZB, కామారెడ్డి, ఆదిలాబాద్ జిల్లాల్లోనూ ఇటీవల ఇలాంటి ఘటనలు వెలుగుచూశాయి. అందుకే బంగారంతో బయటకు వెళ్తే జాగ్రత్త.
News January 27, 2026
వీరమ్మతల్లి తిరునాళ్లు.. ప్రత్యేకతలెన్నో..
AP: ఉయ్యూరు వీరమ్మతల్లి తిరునాళ్లు రేపే ప్రారంభం. 15రోజుల వేడుకలకు ఉమ్మడి కృష్ణా జిల్లాతో పాటు ఇతర ప్రాంతాల భక్తులు వస్తారు. తొలిరోజు పోలీస్ శాఖ తరఫున మొదటి పసుపు, కుంకుమ సమర్పించాక మెట్టినింటి నుంచి ఆలయానికి అమ్మ బయల్దేరడం ఆనవాయితీ. ఇక ఆసక్తికర శిడిబండి ఉత్సవం FEB7న. ప్రత్యేకంగా తయారుచేసిన బండిలో పెట్టిన గంపలో, పెళ్లి కాబోయే SC యువకుడిని కూర్చోబెట్టి ఆలయం చుట్టూ బండి తిప్పుతూ అరటికాయలతో కొడతారు.
News January 27, 2026
NTR: BFA 1& 2 సెమిస్టర్ పరీక్షల షెడ్యూల్ విడుదల
ఆచార్య నాగార్జున యూనివర్శిటీ(ANU) పరిధిలోని కాలేజీలలో బ్యాచిలర్ ఆఫ్ ఫైన్ ఆర్ట్స్(BFA) చదివే విద్యార్థులు రాయాల్సిన I/lV 1వ సెమిస్టర్ రెగ్యులర్, 2వ సెమిస్టర్ సప్లిమెంటరీ థియరీ పరీక్షల షెడ్యూల్ విడుదలైంది. ఈ పరీక్షలు ఫిబ్రవరి 10 నుంచి నిర్వహిస్తామని.. విద్యార్థులు ఎలాంటి ఫైన్ లేకుండా FEB 2లోపు, రూ.100 ఫైన్తో 3లోపు ఫీజు చెల్లించాలని, పూర్తి వివరాలకు https://www.nagarjunauniversity.ac.in/ చూడాలంది.