News February 1, 2025
సిరిసిల్ల: పరిశీలనకు స్పెషల్ డ్రైవ్: కలెక్టర్
నీటి సరఫరా పరిశీలనకు స్పెషల్ డ్రైవ్ నిర్వహిస్తున్నట్టు సిరిసిల్ల కలెక్టర్ సందీప్ కుమార్‌ఝా తెలిపారు. సిరిసిల్ల పట్టణంలోని కలెక్టరేట్లో శనివారం ఆయన ప్రకటన విడుదల చేశారు. ఈనెల 1వ తేదీ నుంచి 12వ తేదీ వరకు అన్ని గ్రామాల్లో అధికారులు స్పెషల్ డ్రైవ్ నిర్వహించాలని ఆయన ఆదేశించారు. వేసవికాలం దృష్ట్యా జిల్లాలోని అన్ని గ్రామాలలో నీటి సరఫరాను క్షేత్రస్థాయిలో వెళ్లి పరిశీలించాలని స్పష్టం చేశారు.
Similar News
News September 16, 2025
MGBS మెట్రో స్టేషన్‌లో నూతన పాస్ పోర్ట్ సేవా కేంద్రం
దేశంలోనే పాస్‌పోర్ట్ జారీలో 5వ స్థానంలో తెలంగాణ నిలిచిందని మంత్రి పొన్నం ప్రభాకర్ అన్నారు. ఎంజీబీఎస్ మెట్రో స్టేషన్‌లో నూతన పాస్ పోర్ట్ సేవా కేంద్రాన్ని MP అసదుద్దీన్ ఒవైసీ, MP అనిల్ కుమార్ యాదవ్, MLC రియాజుల్ హసన్, నగర మేయర్ గద్వాల విజయలక్ష్మితో కలసి మంత్రి ప్రారంభించారు. దేశంలోనే మొదటిసారి మెట్రోలో ప్రారంభమైన పాస్ పోర్ట్ కేంద్రం ఇదే అని ఆయన వెల్లడించారు.
News September 16, 2025
కేజీహెచ్‌లో అరుదైన శస్త్రచికిత్స విజయవంతం
కేజీహెచ్‌లో మంగళవారం అరుదైన శస్త్ర చికిత్స విజయవంతమైంది. అల్లూరి జిల్లా జి.మాడుగులకు చెందిన ఆడ శిశువుకు తల వెనుక ‘జెయింట్ ఆక్సిపిటల్ మెనింజోఏన్సఫలోసిల్’ గడ్డ ఉంది. కేజీహెచ్‌లో డా. ప్రేమ్‌జిత్ రే నేతృత్వంలోని న్యూరో సర్జరీ బృందం ఆపరేషన్ చేసి, బయటకు వచ్చిన మెదడు భాగాన్ని తొలగించారు. పదివేల మందిలో ఒకరికి వచ్చే ఈ వ్యాధి చికిత్స విజయవంతమైందని, శిశువు కోలుకుంటోందని వైద్యులు తెలిపారు.
News September 16, 2025
నర్సాపూర్: ప్రజలకు అందుబాటులో ఉండాలి: కలెక్టర్
నర్సాపూర్ మండల కేంద్రంలోని ప్రభుత్వ కమ్యూనిటీ హెల్త్ సెంటర్‌ను మంగళవారం కలెక్టర్ రాహుల్ రాజ్ ఆకస్మికంగా తనిఖీ చేశారు. రోగుల వద్దకు వెళ్లి వైద్యుల పనితీరును అడిగి తెలుసుకున్నారు. ఆస్పత్రిలో మందుల నిల్వలు పరిశీలించారు, పలు రికార్డులను తనిఖీ చేశారు. సీజనల్ వ్యాధులు ప్రబలుతున్న నేపథ్యంలో అప్రమత్తంగా ఉండాలని, ప్రజలకు అందుబాటులో ఉండి సరైన వైద్యం అందించాలని సూచించారు.