News February 26, 2026
సిరిసిల్ల: మైనార్టీ టూవీలర్ దరఖాస్తుల పరిశీలన
రాజన్న సిరిసిల్ల జిల్లా కలెక్టరేట్లోని మైనార్టీ కార్యాలయంలో తెలంగాణ ప్రభుత్వ టూవీలర్ మోపెట్ పథకం దరఖాస్తుల పరిశీలన గురువారం జరిగింది. ఈ కార్యక్రమంలో రాష్ట్ర అధ్యక్షుడు మహ్మద్ సలీం, రాష్ట్ర సోషల్ మీడియా కన్వీనర్ మహమ్మద్ హమీద్, జిల్లా ప్రధాన కార్యదర్శి షబ్బీర్, ఉపాధ్యక్షుడు హైదర్, తంగళ్ళపల్లి మండల అధ్యక్షుడు అనీఫ్ భావన్, చాంద్ మియా తదితరులు పాల్గొన్నారు.
Similar News
News February 27, 2026
“చద్దిలేని పయనం, ఒంటి ఎద్దు సేద్యం”
పూర్వం కాలినడకన, ఎడ్లబండ్ల మీద ప్రయాణాలు చేసేవారు. అప్పట్లో హోటల్స్ ఉండేవి కావు. అప్పుడు తిండి లేకుండా చాలా దూరం ప్రయాణించాల్సి వస్తే ఆకలితో అలమటించి నీరసించిపోయేవారు. అలాగే వ్యవసాయానికి జత ఎడ్లు ఉండాలి. ఒక ఎద్దు కట్టి పొలం దున్నడం అసాధ్యం. ఒకవేళ చేసినా అది కష్టంగా మారుతుంది. అందుకే ఏదైనా పనిని ప్రారంభించేటప్పుడు సరైన ప్రణాళిక, వనరులు, అవసరమైన సాయం లేకపోతే అది విజయవంతం కాదని ఈ సామెత చెబుతుంది.
News February 27, 2026
బుమ్రాను దాటేసిన అర్ష్దీప్.. T20 WC చరిత్రలో సరికొత్త రికార్డు
T20 WC చరిత్రలో టీమ్ఇండియా తరఫున అత్యధిక వికెట్లు తీసిన బౌలర్గా అర్ష్దీప్ సింగ్ రికార్డు సృష్టించారు. జింబాబ్వేతో జరిగిన కీలక మ్యాచ్లో 3 వికెట్లు పడగొట్టిన అర్ష్దీప్.. బుమ్రా (33 వికెట్లు)ను అధిగమించి 35 వికెట్లతో అగ్రస్థానానికి చేరుకున్నారు. కేవలం 19 మ్యాచుల్లోనే ఈ ఘనత సాధించడం విశేషం. అలాగే అంతర్జాతీయ క్రికెట్లో 150 వికెట్ల మైలురాయిని కూడా దాటారు.
News February 27, 2026
మార్నింగ్ అతిగా స్ట్రెచ్ చేస్తున్నారా? జాగ్రత్త..!
బాడీ ఫిట్గా ఉండాలని చాలామంది విపరీతంగా స్ట్రెచింగ్ చేస్తుంటారు. అది కండరాలకి మంచి కంటే కీడే ఎక్కువ చేస్తుందట. అలా మొండిగా లాగడం వల్ల మజిల్స్ చిట్లిపోవడమే కాకుండా, కీళ్లలో బలం తగ్గుతుంది. వర్కవుట్ మొదలెట్టక ముందే అతిగా స్ట్రెచ్ చేస్తే మీ శక్తిని తగ్గిస్తుందని రీసెర్చ్ చెప్తోంది. నరాలు దెబ్బతినే ఛాన్స్ కూడా ఉంది. అందుకే వార్మప్ అయ్యాకే స్ట్రెచ్ చేయండి. ఏదైనా 15-30 సెకన్లు మాత్రమే హోల్డ్ చేయండి.