News May 1, 2024
సిరిసిల్ల: సెలవులు ముగిసేలోగా పనులు పూర్తి చేయాలి: కలెక్టర్
సెలవులు ముగిసేలోగా మరమ్మతు పనులు పూర్తి చేయాలని సిరిసిల్ల జిల్లా కలెక్టర్ అనురాగ్ జయంతి అన్నారు. వేములవాడ మండలం వట్టెంల, ఫాదర్ నగర్ గ్రామాలలోని జిల్లా పరిషత్ పాఠశాలలో చేపట్టనున్న మరమ్మతు పనుల మంగళవారం ఆయన పరిశీలించారు. ప్రభుత్వ నిబంధనల ప్రకారం అమ్మ ఆదర్శ పాఠశాల కింద తరగతి గదులు మరుగుదొడ్లు మరమ్మతుల పనులు చేయించాలని అధికారులకు ఆయన సూచించారు.
Similar News
News January 12, 2025
వీరన్న జాతరలో కొత్తపల్లి రథాలు స్పెషల్
కొత్తకొండ జాతర బ్రహ్మోత్సవాలు వైభవంగా ప్రారంభమయ్యాయి. ఏటా ఉత్సవాలలో భీమదేవరపల్లి మండలం కొత్తపల్లి ఎడ్లబండ్ల రథాలు ప్రత్యేక ఆకర్షణగా నిలుస్తాయి. సంక్రాంతి రోజు ఆలయం చుట్టూ ఎడ్లబండ్లతో ప్రదక్షిణలు చేసి, భద్రకాళీ సమేత వీరభద్రస్వామిని దర్శించుకుంటారు. 57 ఏళ్ల సంప్రదాయం ఇప్పటికీ కొనసాగిస్తున్నారు. అందంగా అలంకరించిన 70 ఎడ్లబండ్ల రథాలు జాతరకు కదులుతాయి. దారివెంట రథాలు తిలకించేందుకు జనం ఆసక్తిగా చూస్తారు.
News January 12, 2025
VMWD: ఏ పుణ్యక్షేత్రానికి పోవాలన్న రాజన్నను దర్శించుకోవాల్సిందే!
దక్షిణ కాశీగా పేరుగాంచిన వేములవాడ శ్రీ రాజరాజేశ్వర ఆలయానికి ఒక ఆనవాయితీ ఉంది. ఏ పుణ్యక్షేత్రానికి పోవాలన్న ఉమ్మడి కరీంనగర్ జిల్లాలోని ప్రజలు ముందుగా రాజన్నను దర్శించుకుంటారు. కోడెను తీసుకొని గుడి చుట్టూ ప్రదక్షిణ చేయించి ప్రాంగణంలో కట్టేసి, రాజన్నను దర్శించుకోవడం వల్ల తమ ప్రయాణంలో ఎలాంటి ఇబ్బందులు లేకుండా జరుగుతుందని భక్తుల నమ్మకం.
News January 12, 2025
కరీంనగర్: సంక్రాంతికి మన జిల్లాలో సకినాలే ఫేమస్
సంక్రాంతి పండుగ అంటే ముఖ్యంగా గుర్తొచ్చేది ముగ్గులు, పతంగులు. కొన్నిచోట్ల అయితే కోళ్ల పందేలు. కానీ మన ఉమ్మడి కరీంనగర్ జిల్లాలో మాత్రం గుర్తొచ్చేది సకినాలు. అవును.. సకినాలనేవి సంక్రాంతి సమయంలో ఉమ్మడి కరీంనగర్ జిల్లాలో చాలా ఫేమస్. ప్రతి ఇంటి పిండి వంటలో ఇవి కచ్చితంగా ఉంటాయి. ఇవి లేకుండా ఓల్డ్ కరీంనగర్ జిల్లాలో పండుగనే జరగదు. మరి ఇంట్లో సకినాలు చేశారో? లేదో కామెంట్ చేయండి.