News December 28, 2025
సిరిసిల్ల ‘108’ సిబ్బందికి అత్యవసర వైద్య సేవలపై శిక్షణ
కరీంనగర్ జిల్లా వైద్య ఆరోగ్య శాఖ కార్యాలయంలో రాజన్న సిరిసిల్ల జిల్లాకు చెందిన అంబులెన్స్ పైలట్లు, ఎమర్జెన్సీ మెడికల్ టెక్నీషియన్లకు (ఈఎంటీ) ప్రత్యేక శిక్షణా తరగతులు నిర్వహించారు. శిక్షణ పూర్తి చేసుకున్న వారికి ఈ సందర్భంగా సర్టిఫికెట్లు అందజేశారు. ఈ కార్యక్రమంలో పెద్ది శ్రీనివాస్, లక్ష్మణ్, సాగర్, అనీల్ తదితర సిబ్బంది పాల్గొన్నారు.
Similar News
News December 28, 2025
సొంత పార్టీలో ‘దిగ్విజయ్’ చిచ్చు!
దిగ్విజయ్ సింగ్ చేసిన RSS అనుకూల <<18686086>>వ్యాఖ్యలపై<<>> సొంత పార్టీ కాంగ్రెస్లోనే భిన్నాభిప్రాయాలు వ్యక్తమవుతున్నాయి. ప్రత్యర్థుల బలాన్ని విశ్లేషించడం తప్పు కాదంటూ కొందరు ఆయనకు మద్దతుగా నిలిస్తే.. ‘గాడ్సే’ని నమ్మేవాళ్ల నుంచి నేర్చుకోవాల్సిన అవసరం లేదని ఇంకొందరు అభిప్రాయపడుతున్నారు. కార్యకర్త PM అవ్వడం BJPలోనే సాధ్యమని దిగ్విజయ్ నిన్న పోస్ట్ చేశారు.
News December 28, 2025
నిజామాబాద్: హార్ట్ బ్రేకింగ్.. ఏ తల్లి కన్నబిడ్డో..!
నిజామాబాద్ జిల్లాలో ఓ తల్లి కర్కశంగా వ్యవహరించింది. నవమాసాలు మోసి కన్నబిడ్డను గోదారమ్మ సాక్షిగా కాలగర్భంలో కలిపేసింది. నవీపేట్ మండలం యంచ గ్రామ పరిధిలోని గోదావరి నదిలో స్థానికులు పసికందు మృతదేహాన్ని గుర్తించారు. సంతానం లేక ఎంతోమంది బాధపడుతున్న ఈరోజుల్లో ఓ తల్లి ఇలా చేయడం స్థానికులను కలచివేసింది. ఇలాంటి ఘటనలు పునరావృతం కాకుండా అధికారులు చర్యలు చేపట్టాలని వారు కోరుతున్నారు.
News December 28, 2025
‘డిజిటల్ అరెస్ట్’ మోసాలపై వరంగల్ పోలీసుల హెచ్చరిక
డిజిటల్ అరెస్ట్ పేరుతో సైబర్ నేరగాళ్లు సాగిస్తున్న మోసాల పట్ల వరంగల్ పోలీస్ కమిషనరేట్ ప్రజలను హెచ్చరించింది. సీబీఐ, పోలీస్ అధికారులమని నమ్మిస్తూ వీడియో కాల్స్ ద్వారా భయపెట్టి డబ్బులు వసూలు చేస్తున్నారని పోలీసులు తెలిపారు. చట్టపరంగా ‘డిజిటల్ అరెస్ట్’ అనే ప్రక్రియ లేదని, ఇలాంటి కాల్స్ వస్తే భయపడకూడదని స్పష్టం చేశారు. బాధితులు వెంటనే 1930 హెల్ప్లైన్ నంబర్కు ఫిర్యాదు చేయాలని కోరారు.