News November 25, 2024
సిర్పూర్ (టి) : ఏఎస్ఐ ఇంట్లో దొంగతనం
సిర్పూర్ టి మండల కేంద్రానికి చెందిన కౌటాల ఏఎస్ఐ సాయిబాబా ఇంట్లో ఆదివారం రాత్రి దొంగతనం జరిగినట్లుగా ఎస్ఐ కమలాకర్ తెలిపారు. ఆయన తెలిపిన వివరాల ప్రకారం.. గుర్తు తెలియని వ్యక్తులు ఇంట్లో ప్రవేశించి 2.5 తులాల బంగారం, 25 తులాల వెండి ఆభరణాలను దొంగిలించినట్లు ఏఎస్ఐ సాయిబాబా ఫిర్యాదు చేశారు. దీనిపై కేసు నమోదు చేసుకుని దర్యాప్తు చేస్తున్నట్లు ఎస్ఐ తెలిపారు.
Similar News
News November 26, 2024
ఆసిఫాబాద్: సత్వర న్యాయం జరిగేలా చూడాలి: ఎస్పీ
బాధితులకు సత్వర న్యాయం జరిగేలా చూడాలని అధికారులను జిల్లా SP DV.శ్రీనివాసరావు ఆదేశించారు. గ్రీవెన్స్ డే లో భాగంగా జిల్లాలోని వివిధ ప్రాంతాల నుంచి వచ్చిన ఫిర్యాదుదారుల నుంచి అర్జీలను స్వీకరించారు. వారి సమస్యలను తెలుసుకొని సంబంధిత అధికారులతో ఫోన్‌లో మాట్లాడి ఫిర్యాదులపై తక్షణ చర్యలు తీసుకొని బాధితులకు న్యాయం చేయాలని ఆదేశించారు. ఈ కార్యక్రమంలో సంబంధిత అధికారులు తదితరులు ఉన్నారు.
News November 25, 2024
ఆదిలాబాద్: KU డిగ్రీల పరీక్ష షెడ్యూల్‌లో స్వల్ప మార్పు
కాకతీయ యూనివర్సటీ పరిధిలోని డిగ్రీ పరీక్షలు వాయిదా పడ్డాయి.బీఏ, బీకాం, బీబీఏ, బీఏసీ తదితర కోర్సుల మొదటి, ఐదవ సెమిస్టర్ పరీక్షలు ఈనెల 26న ఉండగా వాటిని డిసెంబర్ 27కు రీ షెడ్యూల్ చేశారు. మూడవ సెమిస్టర్ ఈనెల 27న ఉండగా డిసెంబర్ 28కి మార్చారు. నవంబర్ 28న ఉండే పరీక్షను డిసెంబర్ 30న నిర్వహించనున్నట్లు కేయూ అధికారులు తెలిపారు. మిగితావి యథావిధిగా కొనసాగుతాయన్నారు.
News November 25, 2024
దహేగాంలో ట్రాక్టర్ కింద పడి ఐదేళ్ల బాలుడు మృతి
ట్రాక్టర్ కింద పడి ఐదేళ్ల బాలుడు మృతి చెందిన ఘటన దహేగాం మండలంలో చోటుచేసుకుంది. దేవాజిగూడకు చెందిన కృష్ణయ్య, వనిత దంపతుల కుమారుడు రిషి (5) ఆదివారం ఇంటి సమీపంలో ఆడుకుంటున్నాడు. అదే సమయంలో అటుగా పత్తి లోడ్‌తో వస్తున్న ట్రాక్టర్ టైర్ బాలుడి పైనుంచి వెళ్లడంతో రిషి అక్కడికక్కడే మృతి చెందినట్లు ఎస్ఐ రాజు తెలిపారు. కుటుంబీకుల ఫిర్యాదు మేరకు కేసు నమోదు చేసినట్లు ఆయన వెల్లడించారు.