News November 18, 2024
సీఎం చంద్రబాబుపై వైసీపీ జిల్లా అధ్యక్షుడు ఫైర్
సీఎం చంద్రబాబుపై వైసీపీ అనంతపురం జిల్లా అధ్యక్షుడు అనంత వెంకట రామిరెడ్డి ఫైర్ అయ్యారు. పట్టణంలోని వైసీపీ కార్యాలయంలో ఆదివారం ఆయన విలేకరులతో మాట్లాడారు. రాయలసీమకు చంద్రబాబు తీరని ద్రోహం చేస్తున్నారని అన్నారు. కర్నూలులో హైకోర్టు, లోకాయుక్త, హెచ్ఆర్‌సీ, లా యూనివర్సిటీ ఏర్పాటుకు వైఎస్ జగన్మోహన్ రెడ్డి చర్యలు తీసుకుంటే.. చంద్రబాబు వాటిని అమరావతికి తరలించేందుకు కుట్ర పన్నుతున్నారని మండిపడ్డారు.
Similar News
News November 18, 2024
అనంత: ప్రేమ వివాహం.. భర్తను చంపిన భార్య
కళ్యాణదుర్గం మండలం PTR పల్లి తండాలో ఆదివారం రాత్రి భర్తను భార్య హత్య చేసింది. పోలీసుల వివరాల మేరకు.. తండాకు చెందిన గీతాబాయి, ప.బెంగాల్‌కు చెందిన విజయ సర్దార్ బెంగళూరులో ప్రేమించుకుని పదేళ్ల క్రితం వివాహం చేసుకున్నారు. భార్యను అనుమానిస్తూ వేధిస్తుండటంతో సొంత గ్రామానికి వచ్చింది. ఆమెను తీసుకెళ్లేందుకు వచ్చిన భర్త మళ్లీ గొడవ పడటంతో మద్యం తాగి పడుకున్న సమయంలో తాడుతో గొంతుకు బిగించి చంపివేసిందన్నారు.
News November 18, 2024
శ్రీ సత్య సాయి బాబా జయంతి వేడుకలకు పటిష్ఠ బందోబస్తు: ఎస్పీ
శ్రీ సత్య సాయి బాబా 99వ జయంతి వేడుకలకు పటిష్ఠ బందోబస్తు ఏర్పాటు చేస్తున్నట్లు జిల్లా ఎస్పీ రత్న పేర్కొన్నారు. సోమవారం ఉదయం పట్టణంలో శ్రీ వేణుగోపాల స్వామి రథోత్సవంతో వేడుకలు ప్రారంభమవుతున్న దృశ్యం పట్టణంలో అవసరమైన బందోబస్తు ఏర్పాటు చేస్తున్నట్లు తెలిపారు. 14 పోలీస్ టీంలు ఏర్పాటు చేసి బందోబస్తు నిర్వహించడం జరుగుతుందన్నారు.
News November 17, 2024
మద్యం మత్తులో కిందపడి యువకుడి మృతి
గుత్తి మండలం కొత్తపేట గ్రామ సమీపంలో మధ్యప్రదేశ్‌కు చెందిన దిలీప్ సాకేత్ అనే యువకుడు మద్యం మత్తులో జారి రోడ్డుపై పడి మృతి చెందాడు. ఈ ఘటన శనివారం అర్ధరాత్రి చోటు చేసుకున్నట్లు స్థానికులు తెలిపారు. మధ్యప్రదేశ్‌కు చెందిన దిలీప్ సాకేత్ కొత్తపేట సమీపంలోని ఓ ఫ్యాక్టరీలో స్టోర్ లేబర్‌గా పనిచేస్తున్నాడు. అతిగా మద్యం తాగి జారి కిందపడి మృతి చెందినట్లు పోలీసులు తెలిపారు. కేసు దర్యాప్తు చేస్తున్నామన్నారు.