News December 19, 2025
సుప్రీం తీర్పుతో ఆ కుటుంబాల్లో ఆందోళన
కారుణ్యంతో స్వీపర్ పోస్ట్ పొందిన ఇద్దరికి విద్యార్హతల ఆధారంగా ప్రమోషన్ ఇవ్వాలన్న మద్రాస్ హైకోర్టు ఆదేశాలను సుప్రీంకోర్టు ఇటీవల తోసిపుచ్చింది. ఈ తీర్పుతో కారుణ్య ఉద్యోగాలకై ఎదురుచూస్తున్న కుటుంబాలకు కంటిపై కునుకు ఉండట్లేదు. తమ విషయంలో ఏం జరుగుతుందో అనే ఆందోళన ఉంది. ‘కష్ట సమయంలో కారుణ్యం ఓదార్పు. విద్యార్హతలు ఉంటే ప్రమోషన్కు కల్పించేందుకు ఇదేమీ నిచ్చెన, హక్కు కాదు’ అని SC స్పష్టం చేసింది.
Similar News
News December 19, 2025
PMUYతో ప్రతి గ్యాస్ కనెక్షన్పై ₹300 రాయితీ: CBN
AP: రాష్ట్రంలోని 65.40 లక్షల LPG కనెక్షన్లను ప్రధాన మంత్రి ఉజ్వల యోజన (PMUY) పరిధిలోకి తీసుకురావాలని CM CBN కేంద్ర మంత్రి హర్దీప్ సింగ్ పూరీని కోరారు. దానివల్ల సిలిండర్పై లబ్ధిదారుకు ₹300 రాయితీ లభిస్తుందని చెప్పారు. గ్యాస్ పైప్ లైన్, సిటీ గ్యాస్ డిస్ట్రిబ్యూషన్ నెట్వర్కులను పెంచాలన్నారు. నెల్లూరు జిల్లాలో ₹96,862 CRతో ఏర్పాటయ్యే BPCL గ్రీన్ఫీల్డ్ రిఫైనరీ శంకుస్థాపనకు రావాలని ఆహ్వానించారు.
News December 19, 2025
భారత్ను రెచ్చగొట్టే ప్లాన్తోనే దాడి: బంగ్లాదేశ్ మాజీ మంత్రి
బంగ్లాదేశ్లో భారత డిప్యూటీ హై కమిషనర్ ఇంటిపై ప్లాన్ ప్రకారమే దాడి చేశారని హసీనా సర్కారులో విద్యా మంత్రిగా చేసిన మొహిబుల్ హసన్ చౌదరి ఆరోపించారు. ఎన్నికలు వాయిదా వేయాలనే ఉద్దేశంతో మధ్యంతర ప్రభుత్వాన్ని నడిపిస్తున్న యూనస్ దేశంలో హింసను ప్రేరేపిస్తున్నారని విమర్శించారు. కింది స్థాయి పొలిటికల్ వర్కర్లను తొక్కేయాలని చూస్తున్నారన్నారు. భారత్ను రెచ్చగొట్టాలనే ఉద్దేశం కూడా దాడుల వెనుక ఉందని ఆరోపించారు.
News December 19, 2025
ఇవాళ, రేపు జాగ్రత్త
TG: రాష్ట్రంలో చలి తీవ్రత పెరుగుతుందని వాతావరణ నిపుణులు తెలిపారు. హైదరాబాద్ నగర పరిధిలో ఇవాళ, రేపు సింగిల్ డిజిట్కు టెంపరేచర్లు చేరుతాయని అంచనా వేశారు. HYDలోని పలు ప్రాంతాల్లో 5-8 డిగ్రీలు నమోదయ్యే అవకాశం ఉందన్నారు. చలితీవ్రత పెరగనున్న నేపథ్యంలో అప్రమత్తంగా ఉండాలని సూచించారు. వచ్చే వారం ఇలాంటి వాతావరణమే కొనసాగే అవకాశం ఉందన్నారు.