News January 10, 2025
సూర్య‌ఘ‌ర్ పథకానికి కేంద్రం సబ్సిడీ: కలెక్టర్
విద్యుత్ బిల్లుల నుంచి విముక్తి పొంద‌డానికి చ‌క్క‌ని ప‌రిష్క‌ారం ప్ర‌ధాన‌మంత్రి సూర్య‌ఘ‌ర్ పథకం అని కలెక్టర్ చదలవాడ నాగరాణి తెలిపారు. కేంద్ర ప్ర‌భుత్వం అందిస్తున్న స‌బ్సిడీతో ఇప్ప‌డు సోలార్‌ రూఫ్‌ టాప్ పథకం సామాన్యుల‌కు సైతం అందుబాటులోకి వ‌చ్చిందన్నారు. ఈ మేరకు భీమవరం ఆమె కార్యాలయం నుంచి ప్రకటన విడుదల చేశారు. పీఎం సూర్య ఘర్ పోర్టల్ pmsuryaghar.gov.inలో దీని కోసం రిజిస్టర్ చేసుకోవాలన్నారు.
Similar News
News January 11, 2025
చింతలపూడి తహశీల్దార్‌కు ఏలూరు జిల్లాలో సెకండ్ ర్యాంకు
విధి నిర్వహణ, పనితీరు ఆధారంగా చింతలపూడి మండల తహశ్దీలార్ డి. ప్రమద్వార ఏలూరు జిల్లాలో ద్వితీయ ర్యాంకు సాధించారు. ఈ మేరకు జిల్లా ఉన్నతాధికారులు ప్రమద్వారను అభినందించారు. జిల్లాలో పనితీరు ఆధారంగా ద్వితీయ ర్యాంకు సాధించడం సంతోషంగా ఉందని ఈ విజయం సాధించడానికి సహకరించిన ఎమ్మెల్యే సొంగా రోషన్ కుమార్, ఉన్నతాధికారులు, చింతలపూడి మండల రెవెన్యూ సిబ్బందికి కృతజ్ఞతలన్నారు.
News January 10, 2025
నల్లజర్ల: ఆర్థిక ఇబ్బందులతో మహిళా వాలంటీరు ఆత్మహత్య
ఆర్థిక ఇబ్బందులతో మహిళా వాలంటీరు ఆత్మహత్య చేసుకున్న ఘటన ఉమ్మడి ప.గో. నల్లజర్ల(M)లో గురువారం జరిగింది. ప్రకాశరావుపాలెంకు చెందిన గౌతమి(24) ఫైనాన్స్ కంపెనీ నుంచి రూ.50 వేలు ఋణం తీసుకుని తిరిగి చెల్లించకపోవడంతో బ్యాంకు సిబ్బంది సామగ్రి బయపడేసి ఇంటికి తాళం వేస్తామని హెచ్చరించారు. దీంతో ఆమె ఆత్మహత్యకు పాల్పడినట్లు స్థానికులు తెలిపారు. తల్లిని చూసిన చిన్నారులు కన్నీటిపర్యంతమయ్యారు.
News January 10, 2025
కానిస్టేబుల్ దేహదారుఢ్య పరీక్షల్లో 1,975 మంది క్వాలిఫై: ఏలూరు SP
ఏలూరు జిల్లా పోలీస్ ప్రధాన కార్యాలయంలో డిసెంబర్ 30వ తేదీ నుండి జనవరి 9వ తేదీ వరకు నిర్వహించిన పురుష, మహిళ కానిస్టేబుల్ దేహదారుడ్య పరీక్షలను సాంకేతిక పరిజ్ఞానం, సీసీటీవీ, డ్రోన్ కెమెరాల ద్వారా పారదర్శకంగా, నిష్పక్షపాతంగా నిర్వహించామని జిల్లా ఎస్పీ ప్రతాప్ శివ కిషోర్ పేర్కొన్నారు. 4,976 అభ్యర్థులకు హాల్ టికెట్స్ ఇవ్వగా వారిలో 3,453 మంది మంది హాజరయ్యారని వారిలో 1,975 మంది క్వాలిఫై అయినట్లు తెలిపారు.