News January 22, 2026
సూర్యాపేట: ఊరికో సైదులు.. మీ ఊర్లో ఉన్నారా..!
సూర్యాపేట జిల్లా పాలకీడు జాన్ పహాడ్ సైదన్న దర్గా మతసామరస్యానికి ప్రతీతి. ఇక్కడికి తెలంగాణతో పాటు ఆంధ్రప్రదేశ్ నుంచి పెద్దఎత్తున భక్తులు వస్తుంటారు. ఇవాళ్టి నుంచి మూడు రోజుల పాటు ఉర్సు జరగనుంది. అయితే తమ కోరికలు తీరిన వారు భక్తితో కులమతాలకతీతంగా సైదన్న పేరును పెట్టుకుంటారు. జిల్లాలోని చాలా గ్రామాల్లో కనీసం ఇద్దరు, ముగ్గురికి తగ్గకుండా ‘సైదులు’ అనే పేరున్న వారు ఉంటారు. మరి మీ గ్రామంలోనూ ఉన్నారా..!
Similar News
News April 15, 2026
ఏప్రిల్ 15: చరిత్రలో ఈ రోజు
*1452: బహుముఖ ప్రజ్ఞాశాలి లియొనార్డో డావిన్సి జయంతి(ఫొటోలో)
*1469: భారత ఆధ్యాత్మిక గురువు గురునానక్ జయంతి
*1865: అమెరికా మాజీ అధ్యక్షుడు అబ్రహం లింకన్ మరణం
*1912: టైటానిక్ షిప్ మునిగిపోయిన రోజు
*1977: భారత సైకత శిల్పి సుదర్శన్ పట్నాయక్ జననం
*ప్రపంచ కళా దినోత్సవం
*సాంస్కృతిక సార్వత్రిక దినోత్సవం
News April 15, 2026
విశాఖను సౌర హబ్గా తీర్చిదిద్దుతాం: MP భరత్
విశాఖ జిల్లాను సౌర విద్యుత్ హబ్గా తీర్చిదిద్దుతామని MP భరత్ పేర్కొన్నారు. MVPలోని హెలెన్ కెల్లర్ పాఠశాలలో 5KV సోలార్ ప్రాజెక్టును కలెక్టర్ M.అభిషిక్త్ కిశోర్ తో కలిసి మంగళవారం ప్రారంభించారు. ఇంధన రంగంలో స్వయం సమృద్ధి సాధించడమే లక్ష్యమని ఆయన చెప్పారు. కేంద్రం ప్రవేశపెట్టిన ‘పీఎం సూర్యఘర్’ పథకాన్ని ప్రజలు సద్వినియోగం చేసుకోవాలని పిలుపునిచ్చారు.
News April 15, 2026
పవన్తో తోట చంద్రశేఖర్ భేటీ.. మళ్లీ జనసేనలోకి?
AP: జనసేన అధినేత, DyCM పవన్ కళ్యాణ్ను తోట చంద్రశేఖర్ కలిశారు. మంగళగరిలోని జనసేన ఆఫీసులో భేటీ అయ్యారు. చంద్రశేఖర్ 2019లో గుంటూరు పశ్చిమ నియోజకవర్గం నుంచి జనసేన అభ్యర్థిగా పోటీ చేసి ఓడిపోయారు. మూడేళ్ల కిందట BRS పార్టీలో చేరారు. AP BRS అధ్యక్షుడిగా పని చేశారు. కానీ చాలా రోజులుగా ఆ పార్టీకి దూరంగా ఉంటున్నారు. పవన్ను కలవడంతో ఆయన మళ్లీ జనసేనలోకి చేరుతారనే చర్చ జరుగుతోంది.