News January 2, 2026

సూర్యాపేట జిల్లాలో 17 మందికి కుష్టు వ్యాధి గుర్తింపు

సూర్యాపేట జిల్లాలో నిర్వహించిన ప్రత్యేక సర్వేలో 17 మందికి కుష్టు వ్యాధి సోకినట్లు గుర్తించామని డీఎంహెచ్‌ఓ డాక్టర్‌ పెండెం వెంకటరమణ తెలిపారు. డిసెంబరు 18 నుంచి 31 వరకు ఆశా కార్యకర్తలు, సిబ్బంది ఇంటింటికీ తిరిగి 1,042 మంది అనుమానితులను గుర్తించగా, పరీక్షల అనంతరం 17 మందికి నిర్ధారణ అయ్యిందన్నారు. బాధితులకు ఉచితంగా చికిత్స ప్రారంభించామని, లక్షణాలుంటే వెంటనే ఆరోగ్య సిబ్బందిని సంప్రదించాలన్నారు.