News June 15, 2024

సూళ్లూరుపేట: రైలు నుంచి జారిపడి వ్యక్తి మృతి

రైలు నుంచి జారిపడి గుర్తుతెలియని వ్యక్తి మృతి చెందిన ఘటన సూళ్లూరుపేట రైల్వే స్టేషన్ పరిధిలో చోటుచేసుకుంది. నెల్లూరు నుంచి చెన్నై వెళ్లే మెమో రైలును సూళ్లూరుపేట రైల్వే స్టేషన్లో ఎక్కుతూ ఓ వ్యక్తి జారిపడ్డాడు. అతనికి తీవ్ర గాయాలు కావడంతో ప్రభుత్వ ఆసుపత్రికి తరలించారు. చికిత్స పొందుతూ మృతి చెందాడు. మృతుని వయస్సు 35 నుంచి 40 ఏళ్ల మధ్య ఉంటుందని, కేసు నమోదు చేసినట్లు పోలీసులు తెలిపారు.