News October 13, 2025
సైదాబాద్‌లో నలుగురు జువైనల్స్‌పై లైంగిక దాడి
సైదాబాద్ బాలసదన్‌లో షాకింగ్ ఘటన వెలుగులోకి వచ్చింది. హోమ్‌లో ఉన్న బాలుడిపై స్టాఫ్‌గార్డు లైంగిక దాడికి పాల్పడినట్టు బయటపడింది. బాలుడు ఇంటికి వెళ్లిన తర్వాత అస్వస్థతకు గురయ్యాడు. వైద్యపరీక్షల్లో దారుణం వెలుగుచూసింది. రంగంలోకి దిగిన పోలీసులు గార్డును అరెస్ట్ చేశారు. కాగా, మరో నలుగురిపైనా దాడి చేసినట్లు గుర్తించారు. బాలసదన్‌లోని ఇతర పిల్లలకూ అధికారులు వైద్యపరీక్షలు నిర్వహిస్తున్నారు.
Similar News
News October 13, 2025
జూబ్లీహిల్స్ ఉపఎన్నికకు గెజిట్‌ విడుదల
హైదరాబాద్ జూబ్లీహిల్స్ అసెంబ్లీ ఉపఎన్నికకు గెజిట్‌ నోటిఫికేషన్ విడుదలైంది. షేక్‌పేట తహశీల్దార్ కార్యాలయంలోని రిటర్నింగ్ అధికారి కార్యాలయంలో ఇవాళ్లి నుంచి ఈ నెల 21 వరకు నామినేషన్లు స్వీకరిస్తారు. 22న పరిశీలన, 24న ఉపసంహరణకు గడువు ముగుస్తుంది. వచ్చే నెల 11న పోలింగ్‌, 14న ఓట్ల లెక్కింపు జరగనుంది.
News October 13, 2025
HYD: జాగ్రత్త! HSRP పేరుతో మోసాలు!
హై సెక్యూరిటీ నంబర్ ప్లేట్ బిగించుకోలేదంటూ ఇటీవల క్యాబ్ డ్రైవర్లకు నకిలీ ఆర్టీఏ చలాన్ కాల్స్ వస్తున్నాయి. మీకు రూ.3,400 జరిమానా పడిందని మోసగాళ్లు చెబుతున్నారు. దీనిపై ఆందోళన చెందిన ఓ డ్రైవర్ స్థానిక అధికారులను సంప్రదించగా, అది నకిలీ కాల్ అని తేలింది. HSRP సంబంధించి ఎలాంటి తుది గడువును ఇప్పటివరకు ప్రభుత్వం విధించలేదని అధికారులు స్పష్టం చేశారు.
News October 13, 2025
HYD: జనాలకు ప్రశ్నించేతత్వం పోయిందా?
జనాలకు ప్రశ్నించేతత్వం పోయిందని ఉదయాన్నే ఓ పెద్దాయన ఎల్బీనగర్‌లోని ఓ పెట్రోల్ బంక్ వద్ద ఆవేదన వ్యక్తం చేస్తున్నారు. ఏంటని ఆరా తీస్తే.. బంక్‌లో 4 పంపులుంటే ఒకే దగ్గర పెట్రోల్ పోస్తున్నారు. క్యూలైన్ రోడ్డు మీదకు వచ్చింది. ఇంకోటి ఓపెన్ చేయమని జనాలు అడగటం లేదు. అడిగితే పట్టించుకోలేదు. యువతకు ఏమైందసలు ఫ్రీలెఫ్ట్ బ్లాక్ చేసినా, అంబులెన్స్‌కు సైడ్ ఇవ్వకపోయినా కనీసం స్పందిచడంలేదు’ అని ఆవేదన వెళ్లగక్కారు.