News March 15, 2026

సోమవారం నుంచి ఒంటిపూట బడులు: డీఈవో

జిల్లాలోని అన్ని పాఠశాలల్లో సోమవారం నుంచి ఒంటిపూట బడులు నిర్వహించనున్నట్లు డీఈఓ నాగేశ్వరరావు తెలిపారు. 1 నుంచి 10వ తరగతి విద్యార్థులకు ఉదయం 7.45 నుంచి మధ్యాహ్నం 12.30 గంటల వరకు తరగతులు జరుగుతాయన్నారు. మధ్యాహ్న భోజనంలో తగిన జాగ్రత్తలు పాటించాలన్నారు. పదో తరగతి పరీక్షా కేంద్రాలుగా ఉన్న పాఠశాలల్లో మాత్రం మధ్యాహ్నం 1.00 నుంచి సాయంత్రం 5.30 గంటల వరకు తరగతులు నిర్వహించనున్నట్లు ఆయన స్పష్టం చేశారు.