News August 10, 2024

సోమశిలకు రోజురోజుకి పెరుగుతున్న వరద

సోమశిల జలాశయానికి ఎగువ ప్రాంతాల నుంచి శనివారం ఉదయం 6 గంటలకు 11,290 క్యూసెక్కుల కృష్ణా జలాలు వచ్చి చేరుతున్నట్లు జలాశయ ఈఈ దశరథ రామిరెడ్డి తెలిపారు. జలాశయం పూర్తి సామర్థ్యం 78 టీఎంసీలు కాగా ప్రస్తుతం జలాశయంలో 15.733 టీఎంసీల నీరు నిల్వ ఉంది. 17, 18 స్లూయిస్ ద్వారా పెన్నా డెల్టాకు 200 క్యూసెక్కుల నీటిని విడుదల చేస్తున్నారు. జలాశయంలో 85 క్యూసెక్కుల నీరు ఆవిరి అవుతున్నట్లు తెలిపారు.