News February 14, 2026

సోమేశ్వరాలయ బ్రహ్మోత్సవాలకు ముస్తాబు

మహాశివరాత్రి బ్రహ్మోత్సవాల నేపథ్యంలో పాలకుర్తి సోమేశ్వరాలయం విద్యుత్ దీపాలంకరణతో దేదీప్యమానంగా మెరుస్తోంది. ఆలయ ప్రాంగణం నుంచి రాజీవ్ చౌరస్తా, గుడివాడ చౌరస్తా వరకు మాడ వీధులను రంగురంగుల లైట్లతో సుందరంగా తీర్చిదిద్దారు. ఈ సరికొత్త వెలుగులతో పాలకుర్తి ఆధ్యాత్మిక శోభను సంతరించుకుంది. ఆలయ పరిసరాలు, కొండ ప్రాంతం కాంతులీనుతూ భక్తులకు కనువిందు చేస్తున్నాయి. వేడుకలకు అధికారులు ఏర్పాట్లు పూర్తి చేశారు.