News March 4, 2025
హన్వాడ: భర్తను హత్య చేసిన భార్య!
భార్య చేతిలో భర్త హత్యకు గురైన ఘటన హన్వాడ మండలంలో ఆలస్యంగా వెలుగు చూసింది. పోలీసుల వివరాలిలా.. మండలంలోని ఇబ్రహీంబాద్‌కి చెందిన శ్రీనివాస్‌గౌడ్(47) రోజువారీగా పనికి వెళ్లి ఆదివారం రాత్రి ఇంటికి వచ్చాడు. కూలీ డబ్బులు తగ్గాయనే విషయమై భార్య లక్ష్మి ఆయనతో గొడవ పడింది. శ్రీనివాస్ పడుకున్నాక కొడుకుతో కలిసి గొంతు నులిమి చంపేసింది. ఇన్స్‌రెన్స్ డబ్బుకోసమే ఆమె ఇలా చేసుంటుందని స్థానికులు ఆరోపిస్తున్నారు.
Similar News
News July 7, 2025
దండేపల్లి: అత్తారింటి వేధింపులు.. వివాహిత ఆత్మహత్య
అత్తారింటి వేధింపులు భరించలేక వివాహిత ఆత్మహత్య చేసుకున్న ఘటన దండేపల్లి మండలం గుడిరేవులో జరిగింది. ఎస్ఐ తహిసోద్దీన్ వివరాల ప్రకారం.. గ్రామానికి చెందిన రూపను భర్త, అత్తమామలు, సమీప బంధువులు వేధింపులకు గురి చేయడంతో ఆమె ఈనెల 5న గడ్డి మందు తాగి ఆత్మహత్యాయత్నం చేసుకుంది. కరీంనగర్ ఆసుపత్రిలో చికిత్స పొందుతూ ఆదివారం మృతి చెందింది. రూప తండ్రి ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నారు.
News July 7, 2025
సిద్దిపేట జిల్లాలో 27 మంది సబ్ ఇన్‌స్పెక్టర్ల బదిలీ
సిద్దిపేట జిల్లాలో దీర్ఘకాలికంగా పనిచేస్తున్న 27 మంది ఎస్ఐలను పోలీస్ ఉన్నతాధికారుల ఆదేశానుసారం బదిలీ చేస్తూ పోలీస్ కమిషనర్ అనురాధ ఉత్తర్వులు జారీచేశారు. రాజేశ్‌ను-సిద్దిపేట రూరల్, కరీనాకీర్తి రాజ్- దుబ్బాక, సౌజన్య- బెజ్జంకి, రఘుపతి, శ్రీరామ్, ప్రదీప్-గజ్వేల్, సమత-మిరుదొడ్డి, నవీన్-చేర్యాల, సైఫ్ ఆలీ-చిన్నకోడూరు, మానసను-రాయపోల్ తదితరులను వేర్వేరు ప్రాంతాలకు బదిలీ చేశారు.
News July 7, 2025
పుట్టపర్తిలో ఉ.9.30 నుంచి అర్జీల స్వీకరణ
పుట్టపర్తిలోని కలెక్టరేట్ కార్యాలయంలో నేడు ప్రజా సమస్యల పరిష్కార వేదిక కార్యక్రమం నిర్వహిస్తున్నట్టు కలెక్టర్ టీఎస్ చేతన్ పేర్కొన్నారు. సోమవారం ఉ.9.30 నుంచి మధ్యాహ్నం 1 వరకు అర్జీలు స్వీకరిస్తామని చెప్పారు. అర్జీల స్థితిని తెలుసుకునేందుకు ప్రజలు 1100 నంబరుకు ఫోన్ చేయొచ్చని తెలిపారు. మరోవైపు పోలీసు కార్యాలయంలో ఉదయం 10 నుంచి మధ్యాహ్నం 1 వరకు అర్జీలు స్వీరిస్తామని ఎస్పీ రత్న తెలిపారు.