News December 25, 2025
హిందూత్వం ఓ మహోన్నత మార్గం
హిందూ అనేది కేవలం మతం కాదు. ఇదో ‘జీవన విధానం’. మతం అనేది నిర్దిష్ట ప్రవక్త, గ్రంథానికి కట్టుబడి ఉంటుంది. కానీ హిందూ ధర్మంలో అనేక మార్గాలు, గ్రంథాలు, దైవ రూపాలు ఉన్నాయి. ఇది మనిషి తన బాధ్యతలను (ధర్మాన్ని) ఎలా నిర్వహించాలో నేర్పుతుంది. సత్యం, అహింస, ప్రాణి కోటి పట్ల దయ చూపడం వంటి విశ్వవ్యాప్త సూత్రాలే దీని పునాది. అందుకే హిందుత్వాన్ని క్రమశిక్షణతో కూడిన ‘ధర్మం’ అని కొలుస్తుంటారు.
Similar News
News January 9, 2026
ప్రభుత్వ ఉద్యోగులందరికీ రూ.1.02 కోట్ల ప్రమాద బీమా: భట్టి
TG: రాష్ట్రంలోని ప్రభుత్వ ఉద్యోగులందరికీ రూ.1.02 కోట్ల ప్రమాద బీమాను అందుబాటులోకి తీసుకువస్తున్నట్లు డిప్యూటీ సీఎం మల్లు భట్టివిక్రమార్క తెలిపారు. ఇందుకోసం ప్రముఖ బ్యాంకర్లతో సంప్రదింపులు ముగిశాయన్నారు. ఇప్పటికే సింగరేణి, ట్రాన్స్కో, SPDCL, NPDCL, జెన్కో ఉద్యోగులకు రూ.కోటికి పైగా ప్రమాద బీమాను అందుబాటులోకి తీసుకువచ్చినట్టు చెప్పారు. ఉద్యోగుల సంక్షేమానికి ప్రజా ప్రభుత్వం పెద్దపీట వేస్తుందన్నారు.
News January 9, 2026
అయోధ్యలో నాన్-వెజ్ నిషేధం
అయోధ్య, పంచకోషీ యాత్ర రూట్లలో నాన్-వెజ్ అమ్మకాలపై నిషేధం విధిస్తున్నట్టు UP ప్రభుత్వం ప్రకటించింది. ఆధ్యాత్మిక ప్రాంతాల పవిత్రతను కాపాడటమే లక్ష్యంగా ఈ నిర్ణయం తీసుకున్నట్టు తెలిపింది. హోటల్స్, రెస్టారెంట్లలో నాన్-వెజ్ పదార్థాల తయారీ, అమ్మకాలపై నిషేధం అమలులో ఉన్నప్పటికీ కొంతమంది టూరిస్టులు ఆన్లైన్లో ఆర్డర్ చేసుకుని తింటున్నారని ఆరోపణలున్నాయి. దీంతో ఆన్లైన్ డెలివరీలపైనా నిషేధం విధించింది.
News January 9, 2026
మాయమైపోతున్నారమ్మా.. హరిదాసులు, డూడూ బసవన్నలు
‘అయ్యవారికి దండంపెట్టు..అమ్మగారికి దండంపెట్టు’ అంటూ సంక్రాంతి సీజన్లో సందడి చేసే గంగిరెద్దుల కళాకారులు అంతరించిపోతున్నారు. ఒకప్పుడు సన్నాయి మేళాలు, అలంకరించిన బసవన్నలు, కుటుంబం, వంశాలను కీర్తిస్తూ పద్యాలు పాడే హరిదాసులు ఇంటింటికీ తిరుగుతూ సందడి చేసేవారు. తగ్గిన ఆదరణ, పెరిగిన ఖర్చులతో భవిష్యత్ తరాల మనుగడ కష్టమవుతుందనే కారణంతో పూర్వీకుల కళను వదిలి బరువెక్కిన హృదయంతో వలసబాట పడుతున్నారు.