News July 16, 2024
హిందూపురం: 12ఏళ్లకే భగవద్గీత శ్లోకాలు చూడకుండా చెప్పడంలో దిట్ట
హిందూపురానికి చెందిన రాజేశ్, శ్రీలక్ష్మీల కుమారుడు రవికుమార్ 12ఏళ్లకే భగవద్గీతలోని 700 శ్లోకాలను చూడకుండా వినిపిస్తూ అందరినీ ఆశ్చర్యానికి గురిచేస్తున్నారు. ఏ శ్లోకం అడిగినా సులువుగా చెప్పగలగడంలో దిట్ట. భగవద్గీతపై ఆసక్తితో మైసూరులోని దత్తపీఠం నుంచి 7నెలల ఆన్‌లైన్‌లో శిక్షణ పొందాడు. పీఠంలో నిర్వహించిన భగవద్గీత శ్లోకాల పోటీల్లో ప్రతిభచాటి గణపతి సచ్చిదానంద చేతులమీదుగా బంగారు పతకం అందుకున్నాడు.
Similar News
News September 30, 2024
అనంతపురం: 46 మంది పోలీసులకు ప్రశంసా పత్రాలు
అనంతపురం జిల్లాలో మంచి పనితీరు కనబర్చిన 46 మంది పోలీసు సిబ్బందికి SP జగదీష్ అభినందిస్తూ ప్రశంసా పత్రాలు అందజేశారు. ఈ సందర్భంగా ఆయన మాట్లాడుతూ.. నిందితులను సకాలంలో కోర్టు ముందు హాజరుపరిచి శిక్షలు పడేలా, హత్యా కేసుల్లో యావజ్జీవ శిక్షలు పడేలా కోర్టులకు సహకరించడం, ఏటీఎం కేసుల్లో ముద్దాయిలను అరెస్ట్ చేయడంలో కృషి చేశారన్నారు.
News September 30, 2024
రాష్ట్రస్థాయి పోటీలకు తాడిపత్రి అమ్మాయి
తాడిపత్రి పట్టణంలోని కస్తూర్బాలో ఇంటర్ సెకండియర్ చదువుతున్న విద్యార్థిని కొప్పల నందిని రాష్ట్రస్థాయి క్రీడా పోటీలకు ఎంపికైనట్లు స్పెషల్ ఆఫీసర్ మునెమ్మ తెలిపారు. జిల్లా కేంద్రంలో జరిగిన స్కూల్ ఫెడరేషన్ గేమ్స్ జిల్లా స్థాయి పోటీలలో అండర్- 19 విభాగంలో ప్రతిభ చూపి రాష్ట్రస్థాయి పోటీలకు ఎంపికైంది. ఈ మేరకు విద్యార్థినిని పీఈటీ చంద్రకళ, ఉపాధ్యాయ సిబ్బంది అభినందించారు.
News September 30, 2024
వరద బాధితులకు తాడిపత్రికి చెందిన సంస్థ రూ.కోటి విరాళం
తాడిపత్రిలోని అర్జాస్ స్టీల్ ఎండీ శ్రీధర్ మూర్తి సీఎం చంద్రబాబునాయుడును సోమవారం మర్యాదపూర్వకంగా కలిశారు. ఈ సందర్భంగా వరద బాధితుల సహాయార్థం సీఎం సహాయనిధికి రూ.కోటి చెక్కును అందజేశారు. అనంతపురం జిల్లాలో చేస్తున్న అభివృద్ధి, పెట్టుబడులు ఉద్యోగ కల్పన నైపుణ్య అభివృద్ధి గురించి సీఎంకు వివరించారు.