News December 18, 2025
హిల్ట్ పాలసీలో సవరణలకు ప్రభుత్వ యోచన
TG: HILT పాలసీలో కొన్ని సవరణలు చేయాలని ప్రభుత్వం భావిస్తోంది. 22 పారిశ్రామిక పార్కులలోని కంపెనీల యాజమాన్యాలు భూములను నివాస ప్లాట్లుగా మార్చడానికి దరఖాస్తు చేసుకోకపోవడమే దీనికి కారణంగా చెబుతున్నారు. త్వరలో వాటితో సమావేశం ఏర్పాటు చేసి పాలసీలో ప్రస్తుతం సవాలుగా ఉన్న సమస్యలపై చర్చిస్తామని ఉన్నతాధికారి ఒకరు ‘వే2న్యూస్’కు తెలిపారు. అవసరమైతే వారి అవసరాలకు అనుగుణంగా పాలసీలో మార్పులు చేస్తామని చెప్పారు.
Similar News
News December 19, 2025
గ్రీన్ కార్డ్ లాటరీని నిలిపేసిన ట్రంప్
గ్రీన్ కార్డ్ లాటరీ ప్రోగ్రామ్ను అమెరికా అధ్యక్షుడు డొనాల్డ్ ట్రంప్ సస్పెండ్ చేశారు. ఈ విషయాన్ని హోంల్యాండ్ సెక్యూరిటీ సెక్రటరీ క్రిస్టీ నోయెమ్ వెల్లడించారు. ‘బ్రౌన్ యూనివర్సిటీలో కాల్పులు జరిపిన క్లాడియో మాన్యుయెల్ 2017లో డైవర్సిటీ లాటరీ ఇమిగ్రెంట్ వీసా ప్రోగ్రామ్ ద్వారా USలోకి వచ్చాడు. తర్వాత గ్రీన్ కార్డు పొందాడు. ఇలాంటి దారుణమైన వ్యక్తులను దేశంలోకి అనుమతించకూడదు’ అని పేర్కొన్నారు.
News December 19, 2025
గ్రీన్కార్డ్ లాటరీ సస్పెండ్.. ఇండియన్స్పై ప్రభావమెంత?
USలో గ్రీన్కార్డ్ లాటరీని <<18612958>>సస్పెండ్<<>> చేసిన నేపథ్యంలో భారతీయులపై దీని ప్రభావం ఎలా ఉంటుందనే చర్చ జరుగుతోంది. సాధారణంగా డైవర్సిటీ వీసాతో అమెరికాలోకి ప్రవేశించిన వారిలో ఏటా 50,000 మందికి లాటరీ ద్వారా గ్రీన్కార్డ్ జారీ చేస్తారు. కొన్నేళ్లుగా ఈ వీసా భారతీయులకు ఇవ్వడం లేదు. కాబట్టి మనవాళ్లపై ఇప్పటికైతే ప్రభావం ఉండదు. కానీ US ఇమిగ్రేషన్ పాలసీ మరింత కఠినంగా మారుతున్న విషయం మాత్రం స్పష్టమవుతోంది.
News December 19, 2025
GP నిధులు ఇలా చెక్ చేసుకోండి
GP నిధులను విత్ డ్రా చేయాలంటే సర్పంచ్, పంచాయతీ కార్యదర్శి/ఉప సర్పంచ్ ఉమ్మడి సంతకం(డిజిటల్ కీ) అవసరం. egramswaraj.gov.inలో GPకి కేటాయించిన, ఖర్చు చేసిన నిధుల వివరాలను గ్రామస్థులు తెలుసుకోవచ్చు. హోమ్ పేజీలో కిందకు స్క్రోల్ చేస్తే ఉండే రిపోర్ట్స్ సెక్షన్లో ప్లానింగ్ అండ్ రిపోర్టింగ్పై క్లిక్ చేయాలి. తర్వాత రాష్ట్రం, జిల్లా, మండలం/బ్లాక్, గ్రామ పంచాయతీని ఎంచుకొని ‘గెట్ రిపోర్ట్’లో వివరాలు చూడవచ్చు.