News April 1, 2024

హుస్నాబాద్: కలకలం రేపిన మృతదేహం!

హుస్నాబాద్ పట్టణ శివారులోని ఎల్లమ్మచెరువులో గుర్తుతెలియని వ్యక్తి మృతదేహం తేలడం సోమవారం కలకలం రేపింది. చెరువుకట్ట వద్దకు ఉదయపు నడకకు వెళ్లిన వారు చెరువులో గుర్తు తెలియని వ్యక్తి మృతదేహం తేలుతుండటాన్ని గమనించారు. వెంటనే పోలీసులకు సమాచారం అందించడంతో పోలీసులు చెరువు వద్దకు చేరుకుని, మృతదేహాన్ని వెలికితీయించారు. మృతిచెందిన వ్యక్తిని అక్కన్నపేట మండలం అంతకపేటకు చెందిన సాగర్‌గా గుర్తించారు.