News November 18, 2025
హుస్నాబాద్: డ్రైవర్‌కు అభినందనలు: మంత్రి
మనుగూరు ఆర్టీసీ డిపోకు చెందిన డ్రైవర్ చూపిన మానవత్వం అభినందనీయమని మంత్రి పొన్నం ప్రభాకర్ పేర్కొన్నారు. సూర్యాపేటలో వ్యక్తిగత అవసరాల కోసం ప్రయాణికురాలు దిగగా చిన్నారిని ఎవరు చూసుకునే వాళ్లు లేకపోవడంతో చిన్నారిని ఎత్తుకొని ఆలనా పాలన చూసి డ్రైవర్ మంచి పనిచేశారని కొనియాడారు. విధుల్లోనే కాదు మానవత్వంలోనూ ఆర్టీసీ డ్రైవర్లు మంచితనం చూపుతున్నారని పేర్కొన్నారు.
Similar News
News November 18, 2025
భూపాలపల్లి: రేపటి నుంచి సీసీఐ పత్తి కొనుగోళ్లు ప్రారంభం
జిల్లాలోని జిన్నింగ్ మిల్లుల వద్ద బుధవారం నుంచి సీసీఐ కొనుగోళ్లు ప్రారంభిస్తున్నట్లు యాజమాన్యాలు ప్రకటించాయి. సీసీఐకి పత్తి విక్రయించాలనుకునే రైతులు వెంటనే స్లాట్ బుకింగ్ చేసుకోవాలని జిల్లా మార్కెట్ అధికారి ప్రవీణ్ రెడ్డి కోరారు. గతంలో ( ఈ నెల 17, 18 తేదీలలో) స్లాట్ బుక్ చేసుకున్నవారు కూడా తిరిగి బుక్ చేసుకోవాలని ఆయన సూచించారు.
News November 18, 2025
సిరిసిల్ల: సదరం క్యాంపుల తేదీలు ఇవే!
రాజన్న సిరిసిల్ల జిల్లా ప్రభుత్వ ఆసుపత్రిలో సదరం క్యాంపుల నిర్వహణ తేదీలను మంగళవారం ప్రకటించారు. ఈ నెల 24, 25న మానసిక, 25అర్థో, 26 వినికిడి సమస్యలు, 27 జనరల్, 29 కంటి చూపు సంబంధించిన సమస్యలు ఉన్నవారు శిబిరానికి హజరుకావాలన్నారు. దివ్యాంగులు సంబంధిత మెడికల్ డాక్యుమెంట్లు, ఫొటోలు తీసుకుని ఉదయం 9 గంటలకు హాజరు కావాలని సూచించారు.
News November 18, 2025
MBNR: పీయూలో “నషా ముక్త్ భారత్ అభియాన్”
పాలమూరు విశ్వవిద్యాలయం విద్యా కళాశాలలో “నషా ముక్త్ భారత్ అభియాన్” కార్యక్రమాన్ని ఘనంగా నిర్వహించారు. కళాశాల ప్రిన్సిపల్ డాక్టర్ కరుణాకర్ రెడ్డి తన సందేశంలో యువత మత్తు పదార్థాలకు దూరంగా ఉండి, ఆరోగ్యకరమైన జీవన శైలిని అవలంబించాలని పిలుపునిచ్చారు. ఈ కార్యక్రమంలో ప్రిన్సిపల్ డాక్టర్ మాళవి, అదనపు పరీక్షల నియంత్రణాధికారి డాక్టర్ అనురాధ రెడ్డి, అధ్యాపకులు, విద్యార్థులు తదితరులు పాల్గొన్నారు.